2019-06-26 20:26:39, 1717 ნახვა
პოლიტიკა
აშშ-ის საელჩო: მოვუწოდებთ მთავრობას, გაწონასწორებულად და თავშეკავებით იმოქმედოს
აშშ-ის საელჩო საქართველოში 20 ივნისის საპროტესტო აქციების შემდგომ განვითარებულ მოვლენებზე მოუწოდებს მთავრობას, გაწონასწორებულად და თავშეკავებით იმოქმედოს.
"ექსპრესნიუსი" განცხადებას უცვლელად გთავაზობთ:
"აშშ-ის საელჩო ყურადღებით აკვირდება 20 ივნისს თბილისის საპროტესტო აქციების შემდგომ განვითარებულ მოვლენებს საქართველოში. მიუხედავად იმისა, რომ მნიშვნელოვანია დემონსტრანტების მიმართ ძალადობრივი ქმედებებისა და ძალაუფლების გადამეტების ინციდენტების გამოძიება, ჩვენ მოვუწოდებთ მთავრობას, იმოქმედოს გაწონასწორებულად და თავშეკავებით. ახლა ყველაზე მეტად საჭიროა დიალოგი ყველა პოლიტიკურ პარტიას შორის საქართველოს დემოკრატიის გასაძლიერებლად", - აღნიშნულია განცხადებაში.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
