სასწრაფო სამედიცინო დახმარების ცენტრის 235 თანამშრომელი და ჯანდაცვის სფეროს წარმომადგენლები მადლობის სიგელებით დაჯილდოვდნენ. ცერემონია საქართველოს პრეზიდენტის რეზიდენციაში გაიმართა.

20-21 ივნისს სამსახურებრივი მოვალეობის შესრულებისას გამოვლენილი მაღალი პროფესიონალიზმისა და ღირსეული სამსახურისთვის სასწრაფო სამედიცინო დახმარების ცენტრის პერსონალს მადლობის სიგელები დედაქალაქის მერის სახელით, თბილისის ვიცე-მერმა ირაკლი ხმალაძემ გადასცა. მათ მუნიციპალიტეტის მერიისგან ასევე, ფულადი ჯილდო გადაეცემათ. 

„დღეს მქონდა პატივი, პირადად გადამეხადა მადლობა სასწრაფო სამედიცინო დახმარების ცენტრის თანამშრომლებისთვის იმ სამუშაოსა და სამსახურისთვის, რომელიც მათ 20-21 ივნისის განმავლობაში, მოქალაქეებს გაუწიეს. ასევე, იმ სამსახურისთვის, რომლითაც მათ წვლილი შეიტანეს ბევრის სიცოცხლის გადარჩენის საქმეში. ამ ადამიანების ღვაწლი და დამსახურება ადამიანების სიცოცხლისა და ჯანმრთელობის მდგომარეობის შენარჩუნებაში საკმაოდ დიდია არა მარტო ამ ორი დღის განმავლობაში, არამედ ყოველდღიურ რეჟიმში. ეს ადამიანები ემსახურებიან ჩვენს მოქალაქეებს, რისთვისაც მათ მუნიციპალიტეტის სახელით, დიდი მადლობა გადავუხადეთ. თითოეულ თანამშრომელს დედაქალაქის მერისა და მთავრობის სახელით მადლობის სიგელები და ასევე, ფულადი ჯილდოები გადაეცემა. ამ ადამიანების სამსახური ჩვენი დედაქალაქის მოსახლეობისთვის კრიტიკულად მნიშვნელოვანია. დედაქალაქის მერია ყველაფერს გააკეთებს იმისთვის, რომ ამ ადამიანებმა ჩვენი მოქალაქეების მომსახურება უკეთეს პირობებში შეძლონ“, - განაცხადა ხმალაძემ.

საქართველოს პრეზიდენტმა სალომე ზურაბიშვილმა ღირსების მედლით დააჯილდოვა ჯანდაცვის სფეროს რამდენიმე წარმომადგენელი, რომლებმაც 20 ივნისს, რუსთაველის გამზირზე დაშავებულ ადამიანებს გადაუდებელი სამედიცინო დახმარება აღმოუჩინეს.

ღირსების მედალი სამსახურებრივი მოვალეობის შესრულებისას გამოვლენილი  მაღალი პროფესიონალიზმისა და ღირსეული სამსახურისთვის საქართველოს პრეზიდენტმა „რეგიონული ჰოსპიტალის“ ქირურგ-ოფთალმოლოგ რევაზ ომიაძეს, „ნიუ ჰოსპიტალსის“ ქირურგ-ოფთალმოლოგ მარიამ გოლოვაჩოვას, თბილისის სასწრაფო სამედიცინო დახმარების ცენტრის დირექტორ მაკა გვარამიასა და სასწრაფო სამედიცინო დახმარების ცენტრის დირექტორის მოადგილეს, სოლომონ როსტომაშვილს გადასცა.

(NS)

ავტორი: ექსპრესნიუსი,

სოციალური ქსელები

განხეთქილება აზერბაიჯანსა და თურქეთს შორის- პარლამენტმა თურქეთის პოლიტიკურ ელიტას მოუწოდა შეწყვიტოს ბაქოზე თავდასხმები

ზელენსკიმ განაცხადა, რომ უკრაინამ კვლავ ვერ მიიღო მოკავშირეებისგან გაფრთხილება კიევზე სარაკეტო დარტყმის შესახებ - სამი ადამიანი დაიღუპა.

პაპისგან ფილტვის კვანძის ამოღების ოპერაცია წარმატებით დასრულდა

Reuters: აფეთქებები მოხდა Saudi Aramco-ს შტაბ-ბინის ტერიტორიაზე