საპარლამენტო უმრავლესობის ლიდერის და ვიცე-სპიკერის გია ვოლსკის განცხადებით, „ნაციონალური მოძრაობის“ წევრის ნიკა მელიასთვის აღკვეთ ღონისძიების შეფარდებას პარლამენტი არ იღებს.

ვოლსკის თქმით, ასეთ გადაწყვეტილებას სასამართლო იღებს.

„არც კომიტეტების გაერთიანებულ სხდომაზე, არც პლენარულზე არ მიიღება რამე განაჩენი ან გადაწყვეტილება იმასთან დაკავშირებით, არის თუ არა დამნაშავე. გადაწყვეტილება მიიღება, თუ როგორც გააგრძელოს პროკურატურამ გამოძიება, როგორც ჩვეულებრივ ადამიანზე, არა იმუნიტეტის მქონე ადამიანზე. სასამართლო დავა თუ გაიმართება, უდანაშაულობის პრეზუმცია დაცულია. პროკურატურა თხოულობს, რომ დააყენოს სასამართლოზე აღკვეთი ღონისძიების გამოყენების საკითხი. ის არ თხოულობს ჩვენგან დავადასტუროთ ან უარვყოთ ნიკა მელიას დანაშაული.

პოლიტიკური ნიშნით დაკავება იყო, მაშინ როცა ირაკლი ბათიაშვილი დააკავეს სატელეფონო სიტყვისათვის და ახლომახლოშიც არ იყო კოდორის ხეობასთან. სახელმწიფო გადატრიალების მოწყობის მუხლით წაუყენეს ბრალი და 7 წელი მიუსაჯეს. ეს ის შემთხვევა არაა და პერიოდი არაა, როცა ადამიანს შეგიძლია პატიმრობა ასე ხელაღებით მიუსაჯო. თუ პროკურატურას უნდა რომ სასამართლოში შევიდეს ასეთი აღკვეთი ღონისძიების გამოყენება, ეს იმას არ ნიშნავს, რომ ეს საბოლოო გადაწყვეტილებაა და სასამართლო ამ გადაწყვეტილებას მიიღებს. ეს არ სამართლებრივი პროცესი, რომელიც მიმდინარეობს“, - აღნიშნა გია ვოლსკიმ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს