ფრაქცია „ნაციონალური მოძრაობის“ წევრი კობა ნაყოფია იმ მოწმეთა სიას ავრცელებს, რომლებიც  დეპუტატის, ნიკა მელიას წინააღმდეგ აღძრულ საქმეში ფიგურირებენ.

ნაყოფიას ინფორმაციით, მოწმეთა უმრავლესობა სახელმწიფო სამსახურში მუშაობს, რაც დეპუტატის შეფასებით, მათი მიუკერძოებლობის შესახებ ეჭვს აჩენს. 

„აბსოლუტურად არ მიმაჩნია და ალბათ არავინ არ დაიჯერებს, რომ ის, რაც ნიკა მელიას ბრალდებამ წაუყენა, სამართალთან რამე საერთო აქვს. ეს არის პოლიტიკური დაკვეთა ერთი პოლიტიკური გუნდის და  ანგარიშსწორება ნიკა მელიასა და ოპონენტებზე.  მე მაქვს თქვენთან, ბატონო ბრალმდებელო რამდენიმე კითხვა. პირველი: რატომ არ აძლევთ მტკიცებულებებს ადვოკატს და მეორე: ის ვითომ მოწმეები იცით თუ არა ვინ არიან? თუ არ იცით, მე გეტყვით: დავით ბარამაშვილი - სუს-ის თანამშრომელი, სანდრო ბარამაშვილი - შსს-ს თანამშრომელი, ალექსი ბუიშვილი - ახმეტის რაიონული სამმართველოს უფროსის მოადგილე, ირაკლი შაიშმელაშვილი - თავდაცვის სამინისტრო, ნათია ბერიძე - რომელიც აქტიურად იყო ჩართული  2018 წელს არჩევნებში, თქვენი კომისიის თავმჯდომარე თუ მოადგილე ერთ-ერთ რაიონში, ამავე დროს ბაღის თანამშრომელი. რა არის ეს, ეს არიან მოწმეები? ეს არიან მელიას მომხრეები, რომლებიც იქ იდგნენ და რომლებზეც მან უნდა მოახდინნოს შემდგომში ზეწოლა? კოლეგებო, ნუ გავხდებით შარიკოვები და  ნუ გავხდებით შმონდერები“, -განაცხადა კობა ნაყოფიამ. 

დეპუტატის ამ სიტყვებს დარბაზში ხმაური მოჰყვა და რამდენიმე დეპუტატს შელაპარაკება მოუვიდა.

შეგახსენებთ, რომ პარლამენტში ორი კომიტეტის სხდომა მიმდინარეობს, რომელიც „ერთიანი ნაციონალური მოძრაობის“ წევრის ნიკა მელიასთვის დეპუტატის მანდატის შეჩერებაზე მსჯელობს.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს