პარლამენტის ბიუროს სხდომა ხმაურის ფონზე მიმდინარეობდა.

„ევროპული საქართველოს“ წარმომადგენლები ითხოვდნენ, რომ  20-21 ივნისს განვითარებულ მოვლენებზე საუბრის საშუალება ჰქონოდათ.

გარდა ამისა, ოპოზიცია მოითხოვს, რომ შს მინისტრ გიორგი გახარიას გადადგომაზე ხვალინდელ პლენარულ სესიაზე რეზოლუციის პროექტი განიხილონ.

აღნიშნულ განცხადებებს კამათი და ხმაური მოჰყვა, რის შემდეგადაც  სერგი კაპანაძემ ბიუროს სხდომა დატოვა.

„იმ ყველაფრის მერე, როცა თქვენმა შს მინისტრმა მოაწყო „გავრილოვის ღამე“, როცა თვალები დათხარეს ახალგაზრდებს, ერთი კომიტეტი არ ჩაატარეთ პარლამენტში დღეს, რომ ეს საკითხები განხილულიყო. ახლა, ბიუროზე,როცა გვინდა, რომ განვიხილოთ ეს, გვეუბნებით რომ მიკროფონი გამოვრთოთ? ეს არის თქვენი დამოკიდებულება. კეთილი ინებეთ და მიიღეთ გადაწყვეტილება რას უპირებთ გახარიას. გადაწყვიტეთ მხარს უჭერთ მას თუ არა. თუ უჭერთ მხარს, რომ ის დარჩეს თანამდებობაზე, მაშინ აიღეთ პასუხისმგებლობა. აქ გვაქვს დოკუმენტი, რომელიც ეხება გახარიას პასუხისმგებლობას. ხვალ გადაწყვიტეთ, ამას მხარს დაუჭერთ თუ არა“, - მიმართა საპარლამენტო უმრავლესობას კაპანიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს