„ევროპული საქათველოს“ წევრი ელენე ხოშტარია თბილისის მერიას მიმართავს, რუსთაველის გამზირიდან წაღებული სცენა და ჯებირები სასწრაფოდ დააბრუნოს.

როგორც ხოშტარიამ აღნიშნა, თბილისის მერმა ჯებირების აღებით გზა გაუხსნა პროვოკატორებს, რომ ისინი სცენასთან უფრო ახლოს მივიდნენ.

„ხელისუფლება გადავიდა ხელის შეშლის სტრატეგიაზე იმიტომ, რომ ისინი მიხვდნენ, რომ ვერანაირად ვერ ჩაახშობენ საზოგადოებრივი პროტესტს. მერია, რომლის ხელმძღვანელიც გუშინ ფარისევლურად იძახდა, რომ იზიარებს სულისკვეთებას საპროტესტო აქციის, მერიამ დღეს დილით პარლამენტის ტერიტორიიდან მოიპარა ორგანიზატორების კუთვნილი სცენა და წაიღო ჯებირები. მინდა, მივმართო მერიას, სასწრაფოდ დააბრუნეთ ჯებირებიც და სცენაც. ასეთი წვრილმანი ხელის შეშლით თქვენ ვერაფერს ვერ მიაღწევთ. მიიღებთ უფრო დიდ პროტესტს. ეს არის უბრალოდ სასაცილო, რომ ამას უპირისპირებთ ამხელა მრავალრიცხოვან პროტესტს ნაცვლად გადაწყვეტილების მიღებისა.

ეს ჯებირები, რომლის მოტანის ვალდებულება აქვს მერიას, მათ არ აწყობთ იმიტომ, რომ ისინი აგზავნიან პროვოკატორებს სცენასთან ახლოს, რომ აურიონ სიტუაცია. სასწრაფოდ დააბრუნეთ ჯებირები, ადამიანების კუთვნილი სცენა და გონს მოეგეთ, თორემ მიიღებთ კიდევ უფრო მწვავე პროტესტს.

ჩვენ არ გვეშინია არც პროვოკატორების. ნუ აწვალებთ ამ ხალხს, ამ აქტივისტებს, რომ ჩხუბი და უბედურება წამოიწყონ. არაფერი არ გამოგივათ, პროტესტი იქნება მტკიცე“, -განაცხადა ელენე ხოშტარიამ.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს