2019-06-21 23:02:56, 1123 ნახვა

---

„საქართველოში შემოსვლამდე რუსეთის მოქალაქეებმა ქვეყნის სუვერენიტეტი უნდა აღიარონ“ - აქციის მონაწილეთა ნაწილი

რუსთაველის გამზირზე მიმდინარე აქციის მონაწილეები გამოვიდნენ ინიციატივით, რომ რუსეთის ყველა მოქალაქემ, რომელიც საქართველოს ტერიტორიაზე შემოვა, ხელი მოაწეროს საბუთს, რომელიც საქართველოს სუვერენიტეტს აღიარებს.

როგორც ინიციატივის ავტორმა და ერთ-ერთმა გამომსვლელმა განაცხადა, აუცილებელია რუსეთის ყველა მოქალაქემ, რომელსაც ჩამოსვლის სურვილი ექნება მკაფიო პოზიცია დააფიქსიროს საქართველოს ოკუპირებულ ტერიტორიებთან დაკავშირებით და აღიაროს რომ აფხაზეთი და სამხრეთ ოსეთი საქართველოა.

 ამასთან, აქციის მონაწილის განცხადებით, აქვთ კიდევ ერთი ინიციატივა, რომელიც საქართველოს ტერიტორიაზე შემოსვლის დროს მოსაკრებელის გადახდას გულისხმობს.მისივე განმარტებით რუსეთის მოქალაქეებმა ელექტრონული ვიზის საფასური უნდა გადაიხადონ.

---

ავტორი: ლუკა ცარციძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი