მოსკოვი მიიჩნევს, რომ თბილისში მომხდარი მოვლენების გამოძიებაში რუსეთიც უნდა ჩაერთოს, - ამის შესახებ ანტიქარტული შეხედულებების მქონე, რუსმა დეპუტატმა სეგეი გავრილოვმა ჟურნალისტებს განუცხადა. 

გავრილოვის თქმით, რუსეთი საქართველოს შიდა საქმეებში არ ერევა, თუმცა დეპუტატების წინააღმდეგ განხორციელებული აგრესიის ფაქტები უნდა გამოიძიონ. 

"ჩვენ, რა თქმა უნდა, უნდა მივიღოთ მონაწილეობა ამ ინციდენტების გამოძიებაში. ჩვენ არ ვერევით საქართველოს შიდა საქმეებში და ძალაუფლების დესტაბილიზაციის მცდელობებში, მაგრამ აგრესიული და საზიანო ქმედებები რუსეთის ფედერაციის მისამართით, რა თქმა უნდა, უნდა იყოს გამოძიებული", - აღნიშნა რუსმა დეპუტატმა. 

გავრილოვმა იმედი გამოთქვა, რომ საქართველოს ხელისუფლება გამოავლენს და დასჯის თბილისში განვითარებული მოვლენების პასუხისმგებელ პირებს. მანვე დასძინა, რომ მოსკოვი მზად არის ამაში მონაწილეობა მიიღოს.

"მიმაჩნია, რომ ჩვენმა ქმედებებმა გავლენა არ უნდა მოახდინოს ჩვენს ხალხებსა და ეკლესიებს შორის კეთილმეზობლობის და პატივისცემის ზრდაზე, რადგან, სწორედ უერთიერთობების დაბლოკვა არის ექსტრემისტების მიზანი, რომლებმაც დაიწყეს გადატრიალების ეს მცდელობა და გამოიყენეს მართლმადიდებლობის საპარლამენტთაშორისო ფორუმი, როგორც საბაბი", - განაცხადა გავრილოვმა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს