ანტიქართული განწყობის მქონე რუსი დეპუტატი, სერგეი გავრილოვი, რომელიც დღეს თბილისში ვიზიტით იმყოფებოდა, აცხადებს, რომ ქართველმა სამართალდამცველებმა მასზე მომხდარი თავდასხმის ფაქტზე შესაბამისი რეაგირება უნდა მოახდინონ. 

გავრილოვის თქმით, საქართელოს უსაფფრთხოების სამსახურმა რუსეთის დელეგაციის დაცვა ვერ შეძლო.

"თავდასხმის დროს მოგვიწია პარლამენტის დატოვება და სასტუმროში გადასვლა. აღნიშნულის შემდეგ საქართველოს პარლამენტის რამდენიმე დეპუტატმა ბოდიში მოგვიხადა. როდესაც სასტუმროდან გამოვედით, ჩვენზე ფიზიკური თავდასხმა განხორციელდა. სამწუხაროდ უსაფრთხოების სამსახურმა ამის პრევენცია ვერ მოახდინა. დამარტყეს. მგონია, რომ ქართველი სამართალდამცველები და გენერალური პროკურატურა ექსტრემისტების პასუხისმგებლობის საკითხს დააყენებს. გვემუქრებოდნენ სიცოცხლის მოსპობით", - განაცხადა სერგეი გავრილოვმა. 

ამასთან, გავრილოვმა საქართველოს მოქალაქეებსაც მიმართა:

"ყოველწელს საქართველოში რუსი ტურისტების ნაკადი იზრდება. წელს თითქმის 2 მილიონი ტურისტი იყო ჩასული. ყველანი იმას ამბობენ, რომ ქართველი რუსებს ძალიან კარგად ხვდებიან. მიყვარს საქართველო, ქართველი ხალხი და კულტურა. ჩემი ბაბუა საქართველოში არის დასაფლავებული და ძალიან გული მწყდება, რომ ამ პროვოკაციის გამო, მისი საფლავის მონახულება ვერ შევძელი. ძველებურად მჯერა, რომ ჩვენი ურთიერთობების გაუმჯობესებას შევძლებთ. დარწმუნებული ვარ, რომ ქართველი საზოგადოება, მიუხედავად შიდაპოლიტიკური სიტუაციისა, ექსტრემისტებს, რომელბიც ქვეყნის იზოლირებას და დისკრედიტაციას ცდილოვენ, პასუხს გასცემს", - აღნიშნა გავრილოვმა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს