საგარეო საქმეთა სამინისტროს წარმომადგენელმა ვლადიმერ კონსტანტინიდმა რუმინეთის და პოლონეთის ელჩების გადადგომის შესახებ ინფორმაცია კატეგორიულად უარყო.

კონსტანტინიდმა ყველას მოუწოდა, დეზინფორმაციის გავრცელებისგან თავი შეიკავონ.

"გაიჟღერა ინფორმაციამ, მათ შორის სოციალურ ქსელებში, რომ საქართველოს პოლონეთისა და რუმინეთის ელჩებმა განვითარებული მოვლენების ფონზე თანამდებობა დატოვეს. ეს დეზინფორმაციაა და სინამდვილეს არ შეესაბამება. საგარეო საქმეთა სამინისტროს ყველა ქვედანაყოფი, როგორც საელჩოები, ისე საკონსულო სამსახურები ჩვეულ რეჟიმში აგრძელებენ თავიანთი უფლებამოსილების ფარგლებში მინიჭებულ საქმიანობას. მოვუწოდებთ ჩვენს მოქალაქეებს, თავი შეიკავონ მსგავსი სახის პროვოკაციული ინფორმაციის გავრცელებისგან", - განაცხადა ვლადიმერ კონსტანტინიდმა.

შეგახსენებთ, თბილისში მართლმადიდებლური საპარლამენტთაშორისო ასამბლეა იმართებოდა, რომელსაც ანტიქარტული რიტორიკის მქონე რუსი დეპუტატი სერგეი გავრილოვი ესწრებოდა. დეპუტატმა პარლამენტის თავმჯდომარის ირაკლი კობახიძის სავარძელიც დაიკავა.მომხდარმა ოპოზიციისა და საზოგადოების პროტესტი გამოიწვია, რის გამოც ასამბლეა შეწყდა. ამასთან, სოციალურ ქსელში გავრცელდა ინფორმაცია, რომ პროტესტის ნიშნად საზღვარგარეთ საქართველოს ელჩები თანამდებობებს ტოვებდნენ, თუმცა აღნიშნული საგარეო უწყებამ არ დაადასტურა.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს