ანტიქართული განწყობის მქონე რუსი დეპუტატი, რომელიც თბილისში მართლმადიდებლური სამარლამენტთაშორისო ასამბლეის ფარგლებში იმყოფება, ქართველ ოპოზიციონერებს რადიკალებს უწოდებს, - ამის შესახებ გავრილოვმა "რია ნოვოსტის" განუცხადა. 

როგორც გავრილოვმა აღნიშნა, "რადიკალებმა მას დოკუმენტების წართმევა სცადეს და წყალი შეასხეს". 

"საქართველოს პარლამენტის შენობას დაცვის თანხლებით ვტოვებთ. რადიკალებმა შენობას ალყა შემოარტყეს. საქართველოს და რუსეთს ძმური, მართლმადიდებლური ურთიერთობები აკავშირებს. საქართველოს და რუსეთის ყველა მოლაპარაკება, რომელიც ჰუმანიტარულ და ეკონომიკურ საკითხებს შეეხება, კითხვის ნიშნის ქვეშ დადგა. ახლა ასამბლეის წევრები განვიხილავთ, როგორც გავაგრძელოთ სესია, რადგან ამ ეტაპზე ის აღარ მიმდინარეობს", - განაცხადა გავრილოვმა. 

შეგახსენებთ, თბილისში მართლმადიდებლური საპარლამენტთაშორისო ასამბლეა იმართებოდა, რომელსაც ანტიქარტული რიტორიკის მქონე რუსი დეპუტატი სერგეი გავრილოვიც ესწრებოდა. ასამბლეა გუშინ სახელმწიფო ცერემონიების სასახლეში გაიხსნა. აღნიშნულმა ფაქტმა ქართულ საზოგადოებაში პროტესტი გამოიწვია. მოქალაქეებმა ყოფილ პრეზიდენტის რეზიდენციასთან აქცია გამართეს და რუსი დეპუტატები სირცხვილის კორიდორში გაატარეს. დღეს ასამბლეამ პარლამენტში გადაინაცვლა. აღსანიშნავია, რომ მას ხსენებული გავრილოვი უძღვებოდა. დეპუტატმა პარლამენტის თავმჯდომარის ირაკლი კობახიძის სავარძელიც დაიკავა. ამან "ევროპული საქართველოს" და "ნაციონალური მოძრაობის" გაღიზიანება გამოიწვია. მათ გავრილოვის მიერ სხდომის ჩატარება გააპროტესტეს, რის შემდეგაც ასამბლეა შეწყდა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს