სს „საქართველოს ენერგეტიკის განვითარების ფონდის" დირექტორმა გიორგი ჩიქოვანმა  ენერგეტიკული ქარტიის სამდივნოს მიერ ორგანიზებულ კონფერენციაში მიიღო მონაწილეობა.

კონფერენცია, რომელიც ალბანეთის დედაქალაქ ტირანაში გაიმართა, ენერგეტიკული რესურსების დივერსიფიკაციას, განახლებად ენერგიებს და ენერგოეფექტურობას მიეძღვნა.

გიორგი ჩიქოვანი სიტყვით გამოვიდა კონფერენციაზე, რომელშიც რეგიონალური თანამშრომლობის მნიშვნელობაზე ისაუბრა. როგორც მან აღნიშნა, საქართველოს აქვს დიდი პოტენციალი, გაზარდოს საკუთარი მონაწილეობა აღმოსავლეთ-დასავლეთისა და ჩრდილოეთ-სამხრეთის სატრანზიტო პროექტების განხორციელებაში, ასევე პარტნიორ ქვეყნებთან ერთად მნიშვნელოვანი როლი ითამაშოს ევროკავშირისთვის ენერგიის მიწოდების წყაროების დივერსიფიკაციის კუთხით ფონდის დირექტორი თავის გამოსვლაში ასევე შეეხო ელექტროენერგეტიკის სექტორში მიმდინარე რეფორმებს და იმ ნაბიჯებს, რომლებიც საქართველომ ასოცირების ხელშეკრულებით და ენერგეტიკული გაერთიანების წევრობით აღებული ვალდებულებების შესასრულებლად გადადგა თავისი ენერგეტიკული ბაზრის ევროპულ ბაზართან დაახლოების მიზნით.

ენერგეტიკული ქარტიის სამდივნოს მიერ ორგანიზებულ კონფერენციაში მონაწილეობა მიიღეს ალბანეთის და მალტის ენერგეტიკის მინისტრებმა, ასევე აზერბაიჯანის ენერგეტიკის მინისტრის მოადგილემ და სხვა მაღალი რანგის სტუმრებმა.

საქართველომ ენერგეტიკულ ქარტიის დამფუძნებელ ხელშეკრულებას ხელი 1991 წელს მოაწერა, ხოლო 2015 წელს აღნიშნული ორგანიზაციის თავმჯდომარე ქვეყანა გახდა ერთი წლის ვადით.

(NS)

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს