„ხელისუფლება, რომელიც მასპინძლობს  გავრილოვს, როგორც ჩანს ეთანხმება,  რომ შემდგარი ფაქტია აფხაზეთისა და სამხრეთ ოსეთის დამოუკიდებლობა“, - ასე გამოეხმაურა ენმ-ს წევრი, სალომე სამადაშვილი  ანტიქართული განწყობით ცნობილი რუსი დეპუტატი, სერგეი გავრილოვის თბილსიში ვიზიტს.

როგორც დეპუტატმა აღნიშნა, მმართველმა გუნდმა ღიად უნდა დააფიქსიროს ამ საკითხზე მოსაზრება.

„გავრილოვი წარმოადგენს იმ ხაზს რუსულ პოლიტკაში, რომელიც აცხადებს, რომ  საქართველოს ტერიტორიული მთლიანობის დარღვევა და აფხაზეთისა და სამხრეთ ოსეთის დამოუკიდებლობა არის შემდგარი ფაქტი და ამას უნდა შეეგუოს, როგორც საქართველო, ასევე საერთაშორისო თანამეგობრობა. როდესაც ეს ადამიანი, თბილისში გამართულ საერთაშორისო ფორმზე არის მთავარი გამომსვლელი, ეს ნიშნავს ერთადერთ რამეს, რომ ის ხელისუფლება, რომელიც მასპინძლობს ბატონ გავრილოვს, როგორც ჩანს ეთანხმება გავრილოვის შეხედულებას, რომ შემდგარი ფაქტია აფხაზეთისა და სამხრეთ ოსეთის დამოუკიდებლობა და როგორც ჩანს, იზიარებს შეხედულებას, რომ ამას უნდა შეეგუოს საერთაშორისო თანამეგობრობაც და ჩვენი საზოგადოებაც. ჯობს ეს ღიად განაცხადონ და რიად დააფიქსირონ ჩვენს მოქალაქეებთან საკუთარი პოზიცია, რადგან ქართველ ხალხს მიეცეს შესაძლებლობა თავად განსაჯოს, სურს თუ არა ხელისუფლება რომელიც იზიარებს რუსეთის, პუტინისა და გავრილოვის შეხედულებებს ამ საკითხზე“, - განაცხადა სალომე სამადაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს