მუდამ დიდ შთაბეჭდილებას ახდენს ჩემზე ის რეფორმები, რომლებიც საქართველოში ხორციელდება; ყველა იმ ქვეყანასთან შედარებით, სადაც ვსაქმიანობთ, საქართველო ყოველთვის გამოირჩევა პოზიტიური რეფორმებით, - ამის შესახებ კომპანია "სერბერუს ფრონტიერის" დირექტორმა ალექსანდრე ბენარდმა აშშ-საქართველოს სტრატეგიული პარტნიორობის კონფერენციის გახსნის შემდეგ განაცხადა.

მისი შეფასებით, საქართველო ბიზნესის კეთების სიმარტივის კუთხით ლიდერია და ხშირშემთხვევაში ევროპის ბევრ ქვეყანასაც უსწრებს.

„საქართველოს მთავრობა მუდამ ცდილობს პოლიტიკის დახვეწას უცხოელი ბიზნესმენების მოსაზიდად. ძალიან კარგი გამოცდილება დაგვიგროვდა საქართველოში და სწორედ ამიტომ  გავხსენით წარმომადგენლობა თბილისში. მისი საშუალებით განვახორციელებთ ინვესტიციებს ქვეყანაში. ამავდროულად, მეტს გავაკეთებთ რეგიონშიც. ჩვენი კომპანია ამერიკული კერძო კაპიტალის ინვესტორია და მართვაში გვაქვს პორტფელი 40 მილიარდი დოლარის ოდენობის აქტივებით. ძალიან გაგვიმარტივდა საქართველოში მუშაობა და ზოგიერთ შემთხვევაში თქვენთან უფრო მარტივია ინვესტირება, ვიდრე ამერიკაში ან ევროპაში. უცხოური ინვესტიციებისთვის ძალიან მეგობრული და სტუმართმოყვარე ქვეყანაა საქართველო. ყოველთვის კარგად გვიღებდნენ. უკვე 3-4 წელია, კაპიტალდაბანდებას ვახორციელებთ თქვენს ქვეყანაში და ძირითადად ჰიდროენერგეტიკაში. ამ პოზიტიური გამოცდილების გამო სხვა სფეროებშიც შევალთ და ავითვისებთ ტელეკომუნიკაციების, ლოგისტიკისა და ტრანსპორტის სექტორებს. ეს ბაზარი ძალიან მოგვწონს და საქართველო არა მხოლოდ ცალკეული ქვეყნის ჭრილში, არამედ კავკასიის რეგიონიც ცენტრის სახითაც მომხიბვლელი ბაზარია", - განაცხადა ალექსანდრე ბენარდმა.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს