„დაუშვებელია, რომ სახელმწიფო, პოლიცია, სამართალდამცავი სისტემა და იყოს კრიმინალური სამყაროს თანამშრომელი და მათთან ალიანსში მყოფი“, - ამის შესახებ „ევროპული საქართველოს“ ერთ-ერთმა ოთარ კახიძემ ადამიანის უფლებათა დაცვის კომიტეტის სხდომაზე განაცხადა.

როგორც მან აღნიშნა, იმ ვითარებაში, როცა „ქართული ოცნების“ კონტროლის ქვეშაა 73-დან 72 მაჟორიტარი, გაუგებარია არჩევნებში გასამარჯვებლად კრიმინალური ავტორიტეტები რასი სჭირდებათ.

„ძალიან შემაშფოთელია, ის ფაქტი, რომ მმართველ პარტიას საარჩევნო უბნებთან ჰყავს მობილიზებული ის ელემენტები და იმ სამყაროს წარმომადგენლები, რომლებიც ჩვენი კანონმორჩილი მოქალაქეების საკუთრებასა და ჯანმრთელობას უქმნიდნენ საფრთხეს. არ შეიძლება და დაუშვებელია, რომ სახელმწიფო, პოლიცია, სამართალდამცავი სისტემა და მმართველი პარტია იყოს კრიმინალური სამყაროს თანამშრომელი და მათთან ალიანსში მყოფი. ეს ანგრევს თვითონ სახლმწიფოს ფუნდამენტს, ვინაიდან შეუთავსებელია ერთმანეთთან დანაშაული, კრიმინალი და სახელმწიფო როგორც ასეთი. ამიტომ მოგიწოდებთ როგორც ადამიანის უფლებათა დაცვის კომიტეტის თავმჯდომარეს, ჩემს კოლეგებს უმრავლესობიდან, ამ ფაქტს მისცეთ შესაბამისი პოლიტიკური შეფასება, რადგან უნდა გადაწყდეს, ჩვენ როგორ სახელმწიფოს ვაშენებთ - იმ ქვეყანას ვაშენებთ და ისეთ გარემოში ვზრდით ჩვენს შვილებს, სადაც მოდაშია და მისაბაძი მაგალითია „მოძველბიჭო ელემენტი“, ჩაცუცქული, რომელიც შეურაცხყოფას აყენებს კანონმორჩილ მოქალაქეებს, რომელიც მონაწილეობს პოლიტიკურ პროცესში უკანონოდ, რომელიც ზეწოლას ახდენს თავისუფალი ნების გამოვლენაზე, ასეთ სახელმწიფოს ვაშენებთ, თუ გვინდა, რომ ჩვენმა მოქალაქეებმა გააკეთონ არჩევანი თავისუფალ, ნორმალურ გარემოში. იმ ვითარებაში, როცა „ქართული ოცნების“ კონტროლის ქვეშაა 73-დან 72 მაჟორიტარი და თქვენ პარლამენტში სუპერ უმრავლესობა გაქვთ, ამ ფონზე კიდევ კრიმინალური სამყაროს გამოყენება საერთოდ გაუგებარია“, - განაცხადა ოთარ კახიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს