„ქართული ოცნების“ გენერალურმა მდივანმა კახა კალაძემ ოპოზიციის მხრიდან გავრცელებულ ბრალდებებს საარჩევნო პროცესის დარღვევებით ჩატარებასთან დაკავშირებით სიცრუე უწოდა.

კალაძის განცხადებით,  ბრალდება, თითქოს დედაქალაქის მერიამ ოპოზიციას საარჩევნო პლაკატების გაკვრა აუკრძალა, ტყუილია და მას ამის დამამტკიცებელი დოკუმენტაციის წარდგენაც შეუძლია.

„სამწუხაროა, როდესაც ჩვენ ვისმენთ სიცრუეზე და ტყუილზე დაფუძნებულ განცხადებებს და ეს არ უკავშირდება მხოლოდ არჩევნების დღეს - ჩვენ ამას ვისმენდით არჩევნების წინა დღეეების განმავლობაში. მაგალითად, ძალიან დიდი ტყუილი, რასაც ისინი მოსახლეობას ეუბნებოდნენ იყო ის, რომ, თითქოს, დედაქალაქის მერიამ მათ საარჩევნო ბანერების გაკვრა აუკრძალა, რაც ძალიან დიდი ტყუილია. კიდევ ერთხელ მინდა განმარტება გავაკეთო ამასთან დაკავშირებით, იმიტომ, რომ არ მინდა მოსახლეობა ვინმემ შეცდომაში შეიყვანოს: ამ ადამიანებმა საარჩევნო ბანერების გაკვრა ყველანაირი ნებართვის გარეშე დაიწყეს და დედაქალაქის მერიის შესაბამისმა სამსახურებმა ამაზე რეაგირება მოახდინა. მას შემდეგ, რაც ჩვენ ჩამოვხსენით უკანონოდ გაკრული საარჩევნო ბანერები, 27 მაისს „ევროპულმა საქართველომ“ ოფიციალურად მიმართა დედაქალაქის მერიას, რაზეც უკვე 31 მაისს მათ ჰქონდათ დადებითი გადაწყვეტილება საარჩევნო ბანერების გაკვრასთან დაკავშირებით. ამის ოფიციალური დოკუმენტაცია ნებისმიერ თქვენგანს შეუძლია მოიპოვოს , ან მე მოგაწვდით ამის დამადასტურებგელ ყველანაირ საბუთს. ჩემთვის გასაგები იყო, თუ რატომ აკეთებდნენ ეს ადამიანები ასეთ ცრუ განცხადებებს, უბრალოდ სირცხვილია,  რომ დღეს შეეცადო მოსახლეობა შეიყვანო შეცდომაში და რაღაც გარკვეული პოლიტიკური ელფერი მისცე ასეთ თემას. დღევანდელ განცხადებებს რაც შეეხება, თუ რაიმე გადაცდომა იყო კონკრეტული პირების მხრიდან, შესაბამისი სამსახურები ამაზე რეაგირებას მოახდენენ“, - განაცხადა კახა კალაძემ.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს