"ერთი შეხედვით, იუმორისტული ვიდეოს ჰგავს", -  ასე გამოეხმაურა "ქართული ოცნების" ერთერთი ლიდერი არჩილ თალაკვაძე ოპოზიციის მიერ გავრცელებულ ვიდეოს, სადაც, მათი მტკიცებით,  "ქართული ოცნების" წარმომადგენლის მხრიდან  ამომრჩევლის მოსყიდვის მცდელობაა ასახული.

თალაკვაძე აცხადებს, რომ ყველაფრის მიუხედავად, ფაქტი უყურადღებოდ არ დარჩება.

"ჩვენი ოპონენტები და მათი წარმომადგენლები წინასაარჩევნო პროცესში დაწყებულ კამპანიას აგრძელებენ. ყველგან ჩანს მათი მცდელობა, რომ საარჩევნო პროცესის დისკრედიტაცია მოახდინონ. რაც შეეხება ამ კონკრეტულ ეპიზოდს: პირველ რიგში, ეს უყურადღებოდ ნამდვილად არ დარჩება, მაგრამ ერთი შეხედვით, უფრო იუმორისტული ვიდეოს ჰგავს და მგონი, თვითონ ოპოზიციის რიგებში ცოტაა ისეთი ადამიანი, ვისაც დღეს ჰგონია და სჯერა, რომ არჩევნებში გამარჯვება აი, ასეთი სცენარებით არის შესაძლებელი. ჩვენ დავამტკიცეთ, შუალედურ არჩევნებშიც და მანამდეც, არაერთხელ, რომ არჩევნები საქართველოში დემოკრატიულ, თავისუფალ და სამართლიან გარემოში ტარდება.

მგონი ყველამ ვნახეთ ეს ვიდეო, ქართულ ოცნებას შინდისფერი, ან ზოლიანი მაისურები არასოდეს ჰქონია თავის საარჩევნო კამპანიისთვის. ეს ხუმრობით, ჩვენი მაისური და ლოგო როგორ გამოიყურება, ყველამ იცით, რაც შეეხება ამ ვიდეოს - ის უყურადღებოდ არ დარჩება", - განაცხადა არჩილ თალაკვაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს