ბათუმში, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოცილური დაცვის სამინისტროს დაავადებათა კონტროლისა და საზოგადოებრივი ჯანმრთელობის ეროვნული ცენტრის და საქართველოს ჰიპერტენზიის შემსწავლელი საზოგადოების ორგანიზებით, აჭარის ა/რ ჯანმრთელობისა და სოციალური დაცვის სამინისტროს, აჭარის საზოგადოებრივი ჯანდაცვის ცენტრის მხარდაჭერით, ფართომასშტაბიანი კამპანიის „მაისის გაზომვების თვე 2019“ დახურვა მიმდინარეობს.

დღეს ჰიპერტენზიის სკრინინგის აქცია ბათუმის შოთა რუსთაველის სახელობის სახელმწიფო უნივერსიტეტში ქართველი და უცხოელი სტუდენტების მონაწილეობით ჩატარდა.

ასევე საზოგადოებრივი ჯანდაცვის ცენტრში გაიმართა საბავშვო ბაღების გაერთიანების თანამშრომელ ქალთა კვლევა –გულსისხლძარღვთა სისტემის რისკის შესაფასებლად დინამიკაში. გასინჯვებში მონაწილეობას მიიღეს აკად. წინამძღვრიშვილის სახელობის კარდიოლოგიის ცენტრის ექიმებმა.

1 ივნისს 12:00 საათზე საექიმო გასინჯვები წინამძღვრიშვილის კარდიოლოგიის ცენტრის ექიმების მონაწილეობით ჩატარადება შუახევის მუნიციპალიტეტის ხიჭაურის საუბნო ამბულატორიასა და გვირაბის მშენებელთა ორგანიზებულ პოპულაციაში. 2 ივნისს 13:00 საათზე კი ჰიპერტენზიის სკრინინგი მოეწყობა ხელვაჩაურის მუნიციპალიტეტის ახალსოფელის დასახლებაში.

ჰიპერტენზიის მსოფლიო დღე აღინიშნება ყოველი წლის 17 მაისს, რომლის მნიშვნელობასაც ხაზი ესმება მსოფლიო კამპანიით - ,,მაისის გაზომვების თვე’’. საქართველო 90 ქვეყანასთან ერთად, წელს უკვე მესამედ უერთდება არტერიული ჰიპერტენზიის სკრინინგის მსოფლიო კამპანიას. კამპანია ინიცირებულია ჰიპერტენზიის საერთაშორისო საზოგადოების მიერ და მისი მიზანია მაღალი არტერიული წნევის გამოვლენა და მოსახლეობის ცნობიერების ამაღლება. 2017-2018 წლებში 20 000 მდე ადამიანმა გაიზომა და შეაფასა წნევა, რომელიც მიღწეულია 500-მდე მოხალისე ექიმის მონაწილეობით. 2018 წელს ჟურნალ ,,ლანცეტში“ გამოქვეყნდა 2017 წლის შედეგები, ხოლო ახლახან გამოცემულ European Heart Journal-ში 39 ქვეყანას შორის საქართველოს მონაცემებიც დაიბეჭდა. არტერიული ჰიპერტენზიის სკრინინგის მსოფლიო კამპანია მიმდინარეობდა ერთი თვის განმავლობაში მთელი ქვეყნის მასშტაბით.

(NS)

ავტორი: ექსპრესნიუსი,

სოციალური ქსელები

პენტაგონი: ირანთან ომი აშშ-ს უკვე 45.1 მილიარდი დოლარი დაუჯდა

ტრამპმა ხელი მოაწერა კანონს რუსეთის წინააღმდეგ „ჯოჯოხეთური სანქციების“ შესახებ

საფრანგეთსა და შეერთებულ შტატებში დიზელის დეფიციტის გამო საწვავის კრიზისი დაიწყო

მაკრონმა საფრანგეთის ინფრასტრუქტურის დრონებით თავდასხმებისთვის მზადყოფნის ბრძანება გასცა