შუახევის მუნიციპალიტეტის მერი ფრიდონ ფუტკარაძე აჭარის დელეგაციასთან ერთად, ოფიციალური ვიზიტით უკრაინაში, ტერნოპოლის ოლქში იმყოფებოდა.

ფრიდონ ფუტკარაძემ მონაწილეობა მიიღო საერთაშორისო საინვესტიციო ფორუმში ,,Ternopil Invest – 2019“. ეკონომიკურ ფორუმზე წარმოდგენილი იყო როგორც აჭარის, ისე ტერნოპოლის საინვესტიციო პროექტები და ტურისტულ - ეკონომიკური პოტენციალი.

ვიზიტის ფარგლებში შეხვედრები გაიმართა შუახევის მუნიციპალიტეტთან გასული წლის დეკემბერში დამეგობრებულ ქალაქ პოჩაევოს ხელმძღვანელ პირებთან, რომლებთანაც დამეგობრებისა და თანამშროლობის ხელშეკრულებაა გაფორმებული. ურთიერთ გამოცდილების გაზიარების მიზნით დაისახა სამომავლო გეგმები, როგორც სოფლის მეურნეობის, ასევე ტურიზმის, ეკონომიკის მიმართულებით.

შუახევიის მერიის ინფორმაციით, უახლოეს მომავალში განხორციელდება სოფლის მეურნეობის განვითარების დარგის ხელშეწყობის მიზნით, მუნიციპალიტეტის სოფლებში მცხოვრები მეფუტკრეების, მევენახეების, მეცხოველეების და სხვა სოფლის მეურნეობის დარგის მიმდევრების გაცვლითი პროგრამით ვიზიტები მეგობარ მუნიციპალიტეტში.

ვიზიტის ბოლო დღეს, 26 მაისს ქალაქ კრემენეცში ტრადიციული ყოველწლიური ფესტივალი ,, კრემენცის ქალაქის დღე“ გაიმართა. მოეწყო საზეიმო მსვლელობა და კულტურული ღონისძიებები, სადაც ქართული დროშის დემონსტრირებით მასპინძლებმა ქართულ დელეგაციას მიულოცეს ქართველი ხალხის ეროვნული დღესასწაული, საქართველოს დამოუკიდებლობის დღე.

ფრიდონ ფუკტარაძე იმედოვნებს, რომ აჭარის რეგიონსა და ტერნოპოლის მხარეს შორის კეთილმეგობრული ურთიერთობა ხელს შეუწყობს საქმიანი თანამშრომლობის, სოფლის მეურნეობის, ეკონომიკის, ტურიზმის განვითარებას.

(NS)

ავტორი: ექსპრესნიუსი,

სოციალური ქსელები

ტრამპმა ხელი მოაწერა კანონს რუსეთის წინააღმდეგ „ჯოჯოხეთური სანქციების“ შესახებ

საფრანგეთსა და შეერთებულ შტატებში დიზელის დეფიციტის გამო საწვავის კრიზისი დაიწყო

მაკრონმა საფრანგეთის ინფრასტრუქტურის დრონებით თავდასხმებისთვის მზადყოფნის ბრძანება გასცა

რუსეთის ერთ-ერთი ყველაზე ტიტულოვანი რეჟისორი ზვიაგინცევი „უცხოელი აგენტად“ გამოაცხადა