პარლამენტის იურიდიულ საკითხთა კომიტეტის თავმჯდომარის ანრი ოხანაშვილის განცხადებით, საპარლამენტო უმრავლესობამ შეიმუშავა ინიციატივა, რომელიც გასვლითი სასკოლო ღონისძიებების, ექსკურსიების მოწყობისას, მთელი რიგი უსაფრთხოების ნორმების დაცვას ითვალისწინებს.

როგორც დეპუტატმა აღნიშნა, კანონპროექტის შემუშავებისას აშშ-ს გამოცდილება იქნა გამოყენებული.

„ერთი მნიშვნელოვანი ინიციატივის შესახებ მინდა გაცნობოთ, 2019 წლის 22 მაისს ფრაქცია „ქართული ოცნება - დემოკრატიული საქართველოს“ წევრებმა დავაინიცირეთ კანონპროექტი, რომელიც ითვალისწინებს გასვლითი სასკოლო ღონისძიებების, ექსკურსიების მოწყობისას, მთელი რიგი უსაფრთხოების ნორმების დაცვას. საკანონმდებლო ცვლილებები უზრუნველყოფს ერთი მხრივ ავტოსატრანსპორტო საშუალების გამართულ მდგომარეობაში ყოფნას, ხოლო მეორე მხრივ, მძღოლის მხრიდან უსაფრთხოების დაცვას, რისი მიზანიცაა მოსწავლეთა ტრანსპორტირებისას უბედური შემთხვევების რისკის მაქსიმალურად შემცირება. მოგეხსენებათ, რომ ბოლო წლების განმავლობაში, რამდენიმე ტრაგიკული შემთხვევა დაფიქსირდა, სულ ბოლო დროსაც დაფიქსირდა რამდენიმე დღის წინაც ტრაგიკული შემთხვევა და მსურს მივუსამძიმრო გარდაცვლილის ოჯახს, ეს ძალიან მძიმე ტრაგედიაა. მე ვფიქრობ, რომ ჩვენს მიერ დაინფიცირებული კანონპროექტი ძალიან მნიშვნელოვან წვლილს შეიტანს იმისთვის, რომ ჩვენ მაქსიმალურად დავიცვათ ჩვენ ბავშვების უსაფრთხოება, მათი სიცოცხლე და ჯანმრთელობა. რაც შეეხება, შემოთავაზებული კანონპროექტის რეგულირებას, მე შემიძლია მაგალითისთვის გითხრათ რამდენიმე ის საკითხი, რომელიც დარეგულირდება ჩვენს მიერ დაინფიცირებული კანოპროექტით, კერძოდ: მძღოლს მოეთხოვება ნარკოლოგიური შემოწმების დამადასტურებელი ცნობის ქონა, გარკვეულ შემთხვევები იქნება ასევე სავალდებულო სათადარიგო მძღოლის თანხლება, ასევე ავტოსატრანსპორტო საშუალების სავალდებულო ტექნიკური დათვალიერება, ექსკურსიამდე ექვსი თვის ვადაში მისი აღჭურვა ცეცხლმაქრითა და პირველადი დახმარების ჩანთით, გარდა ამისა, განათლების სამინისტროს წარდგინებით, საქართველოს მთავრობამ 2019 წლის პირველ ნოემბრამდე უნდა უზრუნველყოს სასკოლო ღონისძიებებზე მოსწავლეთა უსაფრთხო გადაყვანის წესის დამტკიცება. კანონპროექტის შემუშავებისას გამოყენებული იქნა აშშ-ს გამოცდილება, შედეგად, ექსკურსიებისას მოსწავლეების დაცვა სრულად იქნება უზრუნველყოფილი“, - განაცხადა ანრი ოხანაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საქართველოს ბანკმა, Visa-სთან თანამშრომლობით, ახალი სუპერ PLUS Visa ბარათი შექმნა

ალეკო ელისაშვილი - პენიტენციური იტყუება, 2 ოქტომბერს ინგრეოდა და ზანზარებდა ციხე, ილეწებოდა შუშები

კობახიძე - პენიტენციური სამსახურის მიერ გავრცელებული კადრებში ჩანს, რომ პენიტენციური უწყება მოქმედებდა სტანდარტებისა და პროპორციულობის პრინციპის შესაბამისად

კობახიძე - ციხეებში ვერავითარი აჟიოტაჟი ვერ შექმნეს - ვითარება ბოლომდე კონტროლის ქვეშაა