პარლამენტის თავმჯდომარე ირაკლი კობახიძე ყოფილი პრეზიდენტის მიხეილ სააკაშვილის განცხადებას ეხმაურება, რომლის თანახმადაც ის მზად არის საქართველოსა და აზერბაიჯანს შორის დავით გარეჯის საკითხთან დაკავშირებით მოლაპარაკებებში ჩაერთოს. 

კობახიძე მიიჩნევს, რომ საკითხის მოსაგვარებლად სააკაშვილს დიდი დრო ჰქონდა, თუმცა თავისი მმართველობის დროს პრობლემა გადაუჭრელი დატოვა. 

"მას ჰქონდა 9 წელი ამისათვის, თუმცა როგორ მოაგვარა ეს საკითხი ძალიან კარგად ხედავთ", - აღნიშნა კობახიძემ.

მისთვის აგრეთვე გაუგებარია პრეზიდენტ სალომე ზურაბიშვილის მისამართით გაჟღერებული ბლალდებები, რომლის მიხედვითაც, ვითარება დავით გარეჯში ზურაბიშვილის ვიზიტის და მისი განცხადებების შემდეგ დაიძაბა. 

"პრეზიდენტმა ისაუბრა დემარკაციის და დელიმიტაციის აუცილებლობაზე, რაც არის ძალიან მნიშვნელოვანი და წლების განმავლობაში მიმდინარეობს მუშაობა. სამწუხაროდ, ვერ მოხერხდა დღემდე ამ საკითხის მოგვარება. ეს სირთულე არის, როგორც აზერბაიჯანთან, ასევე სომხეთთან საზღვარი საჭიროებს დემარკაციას და დელიმიტაციას, რაც არის გამოწვევა ჩვენთვის. მე დარწმუნებული ვარ, რომ  მოხერხდება საბოლოო ჯამში შეთანხმების მიღწევა, მათ შორის დემარკაციის და დელიმიტაციის კუთხითაც. რა თქმა უნდა, საკითხის წამოწევა არის მნიშვნელოვანი, თუმცა ერთადერთი სწორი გზა ამ პრობლემის გადაწყვეტის, არის მოლაპარაკება", - განაცხადა პარლამენტის თავმჯდოომარემ. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა