საქართველოს პირველი რესპუბლიკის შესახებ იუსტიციის სამინისტროს ეროვნული არქივის საგანმანათლებლო პროექტის -„საქართველოს პირველი დემოკრატიული რესპუბლიკა" - გამარჯვებული გორის რაიონის სოფელ კარალეთის #1 საჯარო სკოლა გახდა. 

მეორე საპრიზო ადგილი ჭიათურის #2 სკოლამ დაიკავა, მესამე ადგილზე კი რუსთავის #6 სკოლა გავიდა.  ფინალური თამაში თბილისში, სასტუმრო „ბილტმორში" გაიმართა.

პროექტის გამარჯვებულები საქართველოს ეროვნული არქივის გენერალურმა დირექტორმა თეონა იაშვილმა და საფრანგეთში ქართული ემიგრაციის წარმომადგენელი, ნოე რამიშვილისა და მამია ბერიშვილის შთამომავალმა ტიერი ბერიშვილმა დააჯილდოვეს.

პროექტის დასკვნით ნაწილში 53 საჯარო და კერძო სკოლის გუნდი მონაწილეობდა. ფინალში მოხვდნენ გუნდები, რომელთაც 2019 წლის 18 აპრილს გამართულ ნახევარფინალში 20 შესაძლებლიდან 14 და მეტი ქულა დააგროვეს. ნახევარფინალური თამაშები თბილისში, ბათუმსა და ქუთაისში ერთდროულად შედგა. მასში მონაწილეობა 261 სკოლის გუნდმა მიიღო. სკოლის თითოეულ გუნდში 5 ძირითადი და ერთი სათარადიგო მონაწილე იყო.

ეროვნული არქივის საგანმანათლებლო პროექტი 2015 წლიდან ტარდება და საქართველოს პირველი რესპუბლიკის ისტორიით მოსწავლეთა დაინტერესებას ემსახურება.

ნახევარფინალურ და ფინალურ თამაშებს საქართველოს კლუბი "რა? სად? როდის?" უძღვება.

(NS)

ავტორი: ექსპრესნიუსი,

სოციალური ქსელები

ლევან მახაშვილი -ბრიუსელის ბიუროკრატია დინების წინააღმდეგ ცურავს

თორნიკე ფაღავა: საქართველოს აქვს თავისი დამოუკიდებელი, მშვიდობიანი, სუვერენული, ევროინტეგრაციის გზა და სტრატეგიული ხედვა

ლაშა ფარულავა – საპროცესო შეთანხმება არის ერთადერთი გზა, ჩვენმა თანამებრძოლებმა პოლიტიკურ ტყვეობას დააღწიონ თავი, ამიტომ არაფერი დასაძრახი არ არის

გიგა ფარულავა – ციხეში რჩებიან მოქალაქეები, რომლებიც ლიდერებმა 4 ოქტომბერს შეცდომაში შეიყვანეს, კეთილი ინებონ და აუხსნან, როგორ აპირებენ მათ დახმარებას