„დღეს ბრიუსელის ბიუროკრატია დინების წინააღმდეგ ცურავს, ევროკავშირის უმრავლესი წევრი სახელმწიფოს ინტერესების საზიანოდ. როგორც არასდროს, დღეს არის დიალოგის და არა იზოლაციის დრო, - ამის შესახებ საქართველოს პარლამენტის ევროპასთან ინტეგრაციის კომიტეტის თავმჯდომარემ, ლევან მახაშვილმა პლენარულ სხდომაზე განაცხადა. 

ლევან მახაშვილის თქმით, ბრიუსელმა უნდა განსაზღვროს, რეალურად უჭერს თუ არა მხარს საქართველოს ევროპულ ინტეგრაციას, თუ ქვეყნისგან პოლიტიკურ მორჩილებას მოელის. მისი განცხადებით, საქართველოს მიმართ ევროკავშირის მიდგომა თავიდანვე მცდარი, უსამართლო და დამაზიანებელი იყო, რის გამოც აუცილებელია მისი შეცვლა.

ლევან მახაშვილმა ევროპარლამენტში მიმდინარე პროცესებზე ისაუბრა და აღნიშნა, რომ ევროპარლამენტმა უარი უნდა თქვას კონფრონტაციულ მიდგომაზე და პატივი სცეს საქართველოს სუვერენიტეტსა და ხალხის ნებას.

„ევროპარლამენტმა თავი უნდა დაანებოს კონფრონტაციული დაპირისპირების ენას და საქართველოს შიდა საქმეებში გაუმართლებელ, არაპროპორციულ და არაპროვოცირებულ ჩარევას. ევროპარლამენტმა პატივი უნდა სცეს საქართველოს სუვერენიტეტსა და ხალხის ნებას, რომელიც საპარლამენტო არჩევნებში იყო გამოხატული. შემდგომ შეგვეძლება მათთან დიალოგის მაგიდასთან ურთიერთპატივისცემის ნიადაგზე დასხდომა", - განაცხადა ლევან მახაშვილმა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

ლევან მახაშვილი -ბრიუსელის ბიუროკრატია დინების წინააღმდეგ ცურავს

თორნიკე ფაღავა: საქართველოს აქვს თავისი დამოუკიდებელი, მშვიდობიანი, სუვერენული, ევროინტეგრაციის გზა და სტრატეგიული ხედვა

ლაშა ფარულავა – საპროცესო შეთანხმება არის ერთადერთი გზა, ჩვენმა თანამებრძოლებმა პოლიტიკურ ტყვეობას დააღწიონ თავი, ამიტომ არაფერი დასაძრახი არ არის

გიგა ფარულავა – ციხეში რჩებიან მოქალაქეები, რომლებიც ლიდერებმა 4 ოქტომბერს შეცდომაში შეიყვანეს, კეთილი ინებონ და აუხსნან, როგორ აპირებენ მათ დახმარებას