საქართველოს პრემიერ-მინისტრმა მამუკა ბახტაძემ ახალგაზრდა ფერმერებთან შეხვედრისას განაცხადა, რომ საზოგადოება ყველაზე მეტად სოფლის მეურნეობას აკრიტიკებს.

პრემიერმა აღნიშნა, რომ ამის მიზეზი იმ პრობლემებისა და პერსპექტივების არასათანადო ანალიზია, რომელიც საქართველოში ამ დარგს აქვს. 

"როდესაც ჩვენ სოფლის მეურნეობაზე ვსაუბრობთ, ეს ჩემი პირადი შეფასებაა, მგონი საქართველოში არსებულ არცერთ ხელისუფლებას ერთად აღებულს არ მიუღია იმდენი კრიტიკა, რამდენიც სოფლის მეურნეობას და ცოტა უხეშად შეიძლება გამომივიდეს, მაგრამ მე განცდა მაქვს, რომ ვისაც არ ეზარება ყველა სოფლის მეურნეობის დარგს ლანძღავს. რა თქმა უნდა, ეს, ჩემი აზრით, იმის შედეგიცაა, რომ გარკვეულწილად სწორი ანალიზი არ ხდება და საზოგადოებაში არ მომხდარა იმისა, თუ რა პრობლემები აქვს სოფლის მეურნეობას და, ამავე დროს, რა პერსპექტივები", - განაცხადა მამუკა ბახტაძემ.

მისივე თქმით, ვინც ამ დარგს აკრიტიკებს, არ აქვს შესაბამისი ინფორმაცია, ან უბრალოდ იაფფასიანი პოლიტიკური პოპულიზმით არის დაკავებული.

"დარწმუნებული ვარ, რომ ეს არის დარგი, რომელიც თავის სიტყვას აუცილებლად იტყვის ჩვენი ეროვნული ეკონომიკის განვითარების საკითხებში", - აღნიშნა პრემიერმა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ლევან მახაშვილი -ბრიუსელის ბიუროკრატია დინების წინააღმდეგ ცურავს

თორნიკე ფაღავა: საქართველოს აქვს თავისი დამოუკიდებელი, მშვიდობიანი, სუვერენული, ევროინტეგრაციის გზა და სტრატეგიული ხედვა

ლაშა ფარულავა – საპროცესო შეთანხმება არის ერთადერთი გზა, ჩვენმა თანამებრძოლებმა პოლიტიკურ ტყვეობას დააღწიონ თავი, ამიტომ არაფერი დასაძრახი არ არის

გიგა ფარულავა – ციხეში რჩებიან მოქალაქეები, რომლებიც ლიდერებმა 4 ოქტომბერს შეცდომაში შეიყვანეს, კეთილი ინებონ და აუხსნან, როგორ აპირებენ მათ დახმარებას