რა არის საყოველთაო ჯანდაცვა  - ეს არ არის ფუფუნება ან  პრივილეგია, ეს ყველას უფლებაა და არავინ არ უნდა დარჩეს ამ უფლების მიღმა  - ამის შესახებ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა დავით სერგეენკომ ჯანმრთელობის მსოფლიო ასამბლეაზე განაცხადა.

დავით სერგეენკო, დელეგაციასთან ერთად ჟენევაში მიმდინარე ჯანმრთელობის მსოფლიო ასამბლეის 72-ე სესიაში იღებს მონაწილეობას. წლევანდელი ასამბლეა საყოველთაო ჯანდაცვის საკითხებს მიეძღვნა დევიზით -„არავინ დატოვო მიღმა“.  საქართველოს ჯანდაცვის მინისტრი მონაწილეთა წინაშე სიტყვით წარსდგა და ჩვენს ქვეყანაში    საყოველთაო ჯანდაცვის პროგრამის მიმდინარეობაზე გააკეთა აქცენტები.  – „როდესაც ვსაუბრობთ საყოველთაო ჯანდაცვაზე, მრავალფეროვან სამყაროში შესაძლოა გაჩნდეს კითხვები, თუ რა არის საყოველთაო ჯანდაცვა-  ეს არის ადამიანის უფლება, თუ პრივილეგია მაღალშემოსავლიანი ქვეყნებისთვის.  ეს მთავრობის  ვალდებულებაა, თუ კეთილი ნება?!    ეს არის  ყველაზე ხარჯეფექტური გზა ჯანდაცვაში არსებული გამოწვევების დასაძლევად?! ამ კითხვებზე პასუხის გასაცემად, ვფიქრობ მნიშვნელოვანია საქართველოს, როგორც პატარა და სამწუხაროდ ჯერ კიდევ დაბალშემოსავლიანი  ქვეყნის  გამოცდილება.

მე ძალიან ამაყი ვარ, რომ ჩვენი ქვეყნის მთავრობამ 2013 წელს ჯანდაცვა გამოაცხადა მთავარ პრიორიტეტად და ამ დაბალშემოსავლიანმა ქვეყანამ აამოქმედა საყოველთაო ჯანდაცვის პროგრამა. აქვე მინდა დიდი მადლობა გადავუხადო ჯანმრთელობის მსოფლიო ორგანიზაციას, რამდენადაც მათი თანადგომის გარეშე, ჩვენ ვერ შევძლებდით ამ გამოწვევის დაძლევას. - ამბობს დავით სერგეენკო.

საქართველოს ჯანდაცვის მინისტრის თქმით, საყოველთაო ჯანდაცვის პროგრამის მიმართულებით არსებობს არაერთი გამოწვევა, რომლებზეც  მუშაობა პარტნიორ ქვეყნებთან  ერთად აქტიურად მიმდინარეობს.  ამ გამოწვევებს შორის ყველაზე აქტუალურია  წვდომა  ქრონიკული დაავადებების  სამკურნალო  მედიკამენტებზე.  ასევე  პირველადი ჯანდაცვის რგოლის განვითარება, სხვადასხვა სახის დაავადებების  გართულებისა და თავიდან აცილების მიზნით.

 დავით სერგეენკო განმარტავს, რომ საქართველოს  ისეთი ამბიციური გამოწვევის განხორციელებაში, როგორიც საყოველთაო ჯანდაცვის პროგრამაა, სამმა ფაქტორმა შეუწყო ხელი, ესენია:   პოლიტიკური ნება, პროფესიონალი სამედიცინო პერსონალი და კარგი პარტნიორობა.

„დაბოლოს, კითხვაზე  რა არის საყოველთაო ჯანდაცვა - ჩემი  პასუხია, რომ ეს არ არის ფუფუნება ან პრივილეგია, არამედ ეს ყველას უფლებაა და  არავინ უნდა დარჩეს ამ უფლების მიღმა. „ - ასე დაასრულა გამოსვლა ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა.

(NS)

ავტორი: ექსპრესნიუსი,

სოციალური ქსელები

ლევან მახაშვილი -ბრიუსელის ბიუროკრატია დინების წინააღმდეგ ცურავს

თორნიკე ფაღავა: საქართველოს აქვს თავისი დამოუკიდებელი, მშვიდობიანი, სუვერენული, ევროინტეგრაციის გზა და სტრატეგიული ხედვა

ლაშა ფარულავა – საპროცესო შეთანხმება არის ერთადერთი გზა, ჩვენმა თანამებრძოლებმა პოლიტიკურ ტყვეობას დააღწიონ თავი, ამიტომ არაფერი დასაძრახი არ არის

გიგა ფარულავა – ციხეში რჩებიან მოქალაქეები, რომლებიც ლიდერებმა 4 ოქტომბერს შეცდომაში შეიყვანეს, კეთილი ინებონ და აუხსნან, როგორ აპირებენ მათ დახმარებას