ოკუპირებულ აფხაზეთში მოსახლეობის ნაწილი ე.წ. საპრეზიდენტო არჩევნების შემოდგომამდე გადადების მოთხოვნით, საპროტესტო აქციას მართავს. 

ისინი ითხოვენ ოპოზიციის ლიდერს, ასლან ბჟანიას, რომელსაც ჯანმრთელობის მძიმე მდგომარეობა აქვს, არჩევნებში მონაწილეობის შესაძლებლობა მიეცეს. 16 მაისს „ნაციონალურმა მოძრაობამ“ (ადგილობრივმა) განცხადება გაავრცელა, რომ მათი ლიდერი მოწამლული იყო, რადგან  სისხლში ვერცხლისწყალი აღმოაჩნდა. ბჟანიას მხარდამჭერებმა გამოთქვეს ინიციატივა, რომ დეფაქტო აფხაზეთის ე.წ. საპრეზიდენტო არჩევნები შემოდგომამდე გადადებულიყო.

აფხაზეთის ე.წ. პარლამენტმა  20 მაისს დეფაქტო საპრეზიდენტო არჩევნების გადადებას მხარი არ დაუჭირა, რასაც მოსახლეობის პროტესტი მოჰყვა. ოპოზიციის ლიდერები მასშტაბურ გაფიცვას აანონსებენ.

ასლან ბჟანია 18 აპრილს ჯანმრთელობის მდგომარეობის გაუარესების გამო მოსკოვის ერთ-ერთ საავადმყოფოში გადაიყვანეს. მსგავსი სიმპტომებით ჰოსპიტალიზებული იყო მისი დაცვის ორი წევრიც. 2 მაისს ოპოზიციამ ბჟანია  მისი რთული ჯანმრთელობის მდგომარეობის მიუხედავად პრეზიდენტობის კანდიდატად წარადგინა.  

17 მაისს აფხაზეთის ე.წ. უშიშროების საბჭომ ჩამოაყალიბა ჯგუფი, რომელმაც 20 მაისიდან, ე.წ. გენერალურ პროკურატურასთან ერთად, ასლან ბჟანიას ავადმყოფობის გარემოებების გამოძიება დაიწყო.

ავტორი: ექსპრესნიუსი,

სოციალური ქსელები

ევროკავშირმა და სომხეთმა დაკავშირებადობის სფეროში პარტნიორობის შესახებ შეთანხმება გააფორმეს

რასა იუკნევიჩიენე: სამხრეთ კავკასიაში ევროკავშირის პერსპექტივა ცოცხალია, თუმცა მესმის ქართველების იმედგაცრუება, რომ თბილისი ამის მიღმა დარჩა

კობახიძეს ჯერა, რომ ევროპარლამენტარები თავს ესხმიან საქართველოში მედიის თავისუფლებას

თეთრი სახლის მახლობლად სროლა მოხდა: აშშ-ის საიდუმლო სამსახურმა მსროლელი დაჭრა