03:03 - 17 Nov, 2026
ჩვენ შესახებ რეკლამა/ხელმოწერა
2015-06-29 16:23:06, 809 ნახვა

ეკონომიკა
სასტუმრო „რედისონში“ ანტიკორუფციული საბჭოს სხდომა გაიმართა

სასტუმრო „რედისონში“ თეა წულუკიანის ხელმძღვანელობით გამართულ საბჭოზე კორუფციის პრევენცირებისათვის შემოღებული ახალი კანონების პრეზენტაცია გაიმართა.

პრეზენტაციის მთავარი თემა თანამდებობის პირთა ქონებრივი მდგომარეობის დეკლარაციების მონიტორინგის სისტემის დანერგვის მიზნით „საჯარო სამსახურში ინტერესთა შეუთავსებლობისა და კორუფციის შესახებ“ საქართველოს კანონში ცვლილების შეტანა იყო.

საჯარო სამსახურის ბიუროს უფროსმა, ეკატერინე ქარდავამ დეკლარაციების მონიტორინგის ახალ ელექტრონულ პროგრამაზე და მათი გადამოწმების პროცესზე ისაუბრა. მისი თქმით, ბიურო საჯარო პირებისგან საბანკო ანგარიშების წარდგენასთან ერთად მათი ოჯახის წევრების შესახებ პირად ინფორმაციასაც მოითხოვს, რომელიც ხილული მხოლოდ ბიუროს თანამშრომლებისთვის იქნება.

საჭირო ინფორმაციის მიღების შემდეგ, ბიურო დადებითად ან უარყოფითად შეაფასებს დეკლარაციას. უარყოფითი შეფასების შედეგად საჯარო პირი 1000 ლარით დაჯარიმდება, შემდგომი დარღვევების დაფიქსირების შემთხვევაში კი საქმე სამართალდამცავ ორგანოებს გადაეცემა.

აღნიშნული კანონპროექტის მთავარი მიზანი თანამდებობის პირთა ქონების შესახებ სანდო და ამომწურავი ინფორმაციის ხელმისაწვდომობისა და გამჭვირვალობის უზრუნველყოფაა.

პრეზენტაციაზე ასევე ცნობილი გახდა, რომ ბიუროს ოფიციალურ ვებ-გვერდზე მალე გამოჩნდება სპეციალური ღილაკი, რომლის გამოყენებითაც ნებისმიერ მოქალაქეს მიეცემა საშუალება ამხილოს საჯარო პირი სხვადასხვა სახის დანაშაულში, თავად კი ინკოგნიტოდ დარჩენას შეძლებს.

 





ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი








არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics