ცენტრალური საარჩევნო კომისიის პრესსპიკერის ანა მიქელაძის განცხადებით, 12 საათის მონაცემებით, ყველაზე მეტი პროცედურული დარღვევა (13) ზუგდიდში ფიქსირდება, ხოლო წყალტუბოსა და ადიგენის 8 საარჩევნო უბანზე კენჭისყრის დღე მიმდინარეობს შეუფერხებლად.

როგორც მიქელაძემ აღნიშნა, ამ დროისთვის კომისიაში სულ 24 საჩივარია შესული.

„ხმის მიცემის პროცესი ყველა საარჩევნო უბანზე მიმდინარეობს ყველასათვის ხელმისაწვდომ გარემოში. აღსანიშნავია, რომ წყალტუბოსა და ადიგენის 8 საარჩევნო უბანზე  კენჭისყრის დღე მიმდინარეობს შეუფერხებლად ხმის დათვლის ელექტრონული ტექნოლოგიების გამოყენებით. რაც შეეხება საჩივრებს, ამ დროისთვის საოლქო-საარჩევნო კომისიებში შესულია 24 საჩივარი, მათგან 7 საჩივარი შევიდა მარნეულში. ზესტაფონში არის დაფიქსირებული 1 საჩივარი, ხულოში სამი, ხოლო ზუგდიდში 13 საჩივარი. საჩივრები ძირითადად შეეხება პროცედურულ ხარვეზებს.  მაგალითისათვის,  ზუგდიდის ნომერ 67-ე საარჩევნო ოლქში რამდენიმე საარჩევნო ოლქში ცესკო-ს აკრედიტაციის გარეშე მედიის წარმომადგენლები იმყოფებოდნენ, ფაქტის დაფიქსირების თანავე ყველა მათგან საარჩევნო კომისიამ დაატოვებინა უბანი. ზუგდიდის 88-ე საარჩევნო უბანზე მოხდა პროდეცედურული ხარვეზი საკონტროლო ფურცლის შევსებისას. კერძოდ, საკონტროლო ფურცელი, რომელიც არის თვითკოპირებადი ერთი ასლის შევსების ნაცვლად, კომისიის წევრებმა შეავსეს ცალცალკე და ორ მათგანს დაარტყეს ბეჭედი. თუმცა კანონმდებლობის მიხედვით საკონტროლო ფურცელს საერთოდ არ ერტყმევა კომისიის ბეჭედი, შედგა შესაბამისი აქტი და კომისია მოახდენს რეაგირებას. აქ მნიშვნელოვანი არის ის, რომ ამომრჩევლები, რომლებიც არიან რეგისტრირებულები გადასატანი ყუთის საარჩევნო სიაში შეძლებენ არცევნებსი დაუბრკოლებად მონაწილეობის მიღებას. მარნეულის 68-ე და 49-ე უბნებიდან მიღებული ინფორმაციით, ორ დამკვირვებელს დაატოვებინეს უბნები კომისიის მუშაობის ხელის შეშლის გამო და გარდა ამისა სამაგიდო სიებში არსებული პერსონალური მონაცემების დამუშავების მცდელობისათვის“, - აღნიშნა ანა მიქელაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

თიბისის მხარდაჭერით საქართველოს სკოლებში AI-ის სწავლება იწყება

დავითაძე ამბობს, რომ ბადრაგები ციხეში უპრეცედენტო პროვოკაციებზე გადავიდნენ, პატიმრებზე ძალადობენ

დეკანოიძე- გავაკეთებთ ყველაფერს, რათა ქართველი ხალხის წინააღმდეგ მიმართული ქმედებებისთვის ივანიშვილმა და მისმა მაფიოზურმა დაჯგუფებამ აგოს პასუხი

რუსეთმა ჩერნიგოვის რეგიონში ხუთსართულიან საცხოვრებელ შენობას რაკეტა დაარტყა - ცხრა ადამიანი დაიღუპა და 38 დაშავდა