2019-05-19 12:42:26, 889 ნახვა
რეგიონი
დაპირისპირება ზუგდიდის 21-ე უბანზე - პოლიციამ „ოცნების“ კოორდინატორი გამოკითხვაზე გადაიყვანა
ზუგდიდის 21-ე საარჩევნო უბანთან "ქართული ოცნების" კოორდინატორი და გაერთიანებული ოპოზიციის წარმომადგენლები ერთმანეთს დაუპირისპირდნენ.
დაპირისპირებაში აგრეთვე ოპოზიციის საკრებულოს დეპუტატი ანი წითლიძეც მონაწილეობდა. ვითარება მას შემდეგ დაიძაბა, რაც საარჩევნო უბანთან რამდენიმე პირს სიების ქსეროასლები დაუფიქსირდათ.
გაერთიანებული ოპოზიციის საკრებულოს დეპუტატმა მმართველი გუნდის კოორდინატორს აღნიშნულთან დაკავშირებით პასუხი მოსთხოვა, რის შემდეგაც "ოცნების" კოორდინატორმა მას ხელი ჰკრა.
ამის შემდეგ, სამართალდამცველებმა მმართველი გუნდის კორდინატორი გამოკითხვის მიზნით სამმართველოში გადაიყვანეს.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
