არჩევნები არა მხოლოდ ზუგდიდში, არამედ ყველგან ჩატარდება უმაღლესი სტანდარტით, მშვიდობიან და თავისუფალ გარემოში, - ამის შესახებ საქართველოს პრემიერ-მინისტრმა ჟურნალისტებს ზუგდიდში განვითარებულ მოვლენებზე დასმული კითხვის საპასუხოდ განუცხადა.

მთავრობის მეთაურის თქმით, როგორც საზოგადოება, ისე საერთაშორისო საზოგადოება კიდევ ერთხელ დარწმუნდება, რომ მოქმედი ხელისუფლების პირობებში საქართველოში არჩევნები ყოველთვის თავისუფალ გარემოში ტარდება.

„სამწუხაროდ,  „ნაციონალური მოძრაობა", როგორც მას სჩვევია, ცდილობს, თავისი აგრესიითა და რიტორიკით შეიტანოს დაძაბულობა საზოგადოებაში, რაც, მათ, ბუნებრივია, არ გამოუვათ. ეს არჩევნები ჩატარდება თავისუფალ  და დემოკრატიულ გარემოში. საზოგადოება და თითოეული ჩვენთაგანი, ისე როგორც საერთაშორისო საზოგადოება, კიდევ ერთხელ დარწმუნდება, რომ ჩვენი ხელისუფლების პირობებში არჩევნები საქართველოში ყოველთვის ტარდება  თავისუფალ გარემოში.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

თიბისის მხარდაჭერით საქართველოს სკოლებში AI-ის სწავლება იწყება

დავითაძე ამბობს, რომ ბადრაგები ციხეში უპრეცედენტო პროვოკაციებზე გადავიდნენ, პატიმრებზე ძალადობენ

დეკანოიძე- გავაკეთებთ ყველაფერს, რათა ქართველი ხალხის წინააღმდეგ მიმართული ქმედებებისთვის ივანიშვილმა და მისმა მაფიოზურმა დაჯგუფებამ აგოს პასუხი

რუსეთმა ჩერნიგოვის რეგიონში ხუთსართულიან საცხოვრებელ შენობას რაკეტა დაარტყა - ცხრა ადამიანი დაიღუპა და 38 დაშავდა