|
2015-06-28 14:27:57, 805 ნახვა
ეკონომიკა
ნოდარ ხადური ჩინეთის ფინანსთა მინისტრს შეხვდა
ჩინეთის სახალხო რესპუბლიკაში სამუშაო ვიზიტის ფარგლებში, ფინანსთა მინისტრი ნოდარ ხადური შეხვდა ჩინეთის სახალხო რესპუბლიკის ფინანსთა მინისტრს ლოუ ძინვეის. საქართველოს ფინანსთა სამინისტროს ინფორმაციით, შეხვედრაზე მხარეებმა ორ ქვეყანას შორის სავაჭრო–ეკონომიკური თანამშრომლობის გაღრმავების პერსპექტივები განიხილეს, რაც ხელს შეუწყობს საქართველოში ჩინური ინვესტიციების მოცულობის ზრდას, ასევე ქართული პროდუქციის ცნობადობის ზრდას ჩინეთის ბაზარზე. შეხვედრაზე ასევე ყურადღება გამახვილდა საქართველოს, როგორც რეგიონის სატრანსპორტო და ლოჯისტიკური ჰაბის მნიშვნელობაზე. ფინანსთა მინისტრმა ჩინელ კოლეგას მადლობა გადაუხადა იმ დახმარებისთვის, რომელსაც ჩინეთის მთავრობა უწევს საქართველოს, მათ შორის, ფინანსთა სამინისტროს შემოსავლების სამსახურს საბაჟო ინფრასტრუქტურის მოდერნიზების მიმართულებით. თავის მხრივ, ჩინური მხარე გამოვიდა ინიციატივით, ე.წ. აბრეშუმის გზაზე მდებარე ქვეყნებს შორის ტვირთბრუნვის გასაზრდელად გამარტივდეს საბაჟო პროცედურები, რაც ასევე ძალიან მნიშვნელოვანი იქნება საქართველოსთვის. შეხვედრაზე ნოდარ ხადურმა ჩინელი კოლეგა საქართველოში მოიწვია. „როგორც ცნობილია, საქართველოს-პრემიერ მინისტრის, ირაკლი ღარიბაშვილის ინიციატივით, თბილისში იგეგმება „თბილისის აბრეშუმის გზის ფორუმი", რომელიც მონაწილე ქვეყნებს, საშუალებას მისცემს ისტორიული ,,აბრეშუმის გზის" მარშრუტთან დაკავშირებით, შემუშავდეს ახალი იდეები ტრანსპორტის, ენერგეტიკის, ვაჭრობისა და ხალხთა შორის კონტაქტების დამყარების სფეროებში თანამშრომლობის გაღრმავების კუთხით“, – აცხადებენ უწყებაში.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



