ეკონომიკის ყოფილი მინისტრი გიორგი ქობულია თანამდებობის გადაყენების ერთ-ერთ მიზეზად მის ზედმეტ პრინციპულობას ასახელებს.

მისი თქმით, თანამდებობაზე დანიშვნამდე მან მიიღო არაფორმალური თამაშის წესების შესახებ  დაპირებები, რომელიც გარკვეულწილად არ შესრულდა. 

"ეს არ იყო ერთი ან ორი საკითხი, ეს იყო იმ საკითხების კრებული, რომელიც დღეს მე აქ გავაჟღერე, რომელთა შესრულებასაც, შეიძლება მე ჩემი მხრიდან ძალიან დაჟინებით ვითხოვდი ბევრი მიმართულებით. ალბათ, ყველა ეს საკითხი სრულ თანხვედრაში არ იყო. მაგალითად, მიახლოებით, რომ გასაგები იყოს რაზეა საუბარი, მაგალითად ალტერნატიული კომპანიების შემოყვანაზე მორგებული სტრატეგიის არსებობა სხვადასხვა სექტორებში.  იგივე, როგორ უნდა მოხდეს ელექტროენერგიის შესყიდვის და იმპორტის სისტემის ჩამოყალიბება. აი, ეს საკითხები იყო, რომელშიც ალბათ ჩვენ ვერ ვიპოვეთ საერთო ენა. შემდეგი რაც მე მინდოდა მეთქვა, მე ალბათ რაღაც საკითხებში ზედმეტად პრინციპული აღმოვჩნდი. მე არ მჩვევია და თავიდანვე გასაგები უნდა ყოფილიყო ის, რომ არ ვუჭერ მხარს ისეთ გადაწყვეტილებებს, რომელიც ფუნდამენტალურად არ მესმის და არ ვეთანხმები. ეს არ იყო ერთი და ორი საკითხი, ეს იყო თვეების განმავლობაში მიმდინარე პროცესი. მე, ჩემი აზრით, საქართველოს რეალობის ძალიან კარგი აღქმა მაქვს და დამერწმუნეთ, რომ ბევრზე უკეთესად მესმის რა არაფორმალური წესები შეიძლება არსებობდეს და მე ამ არაფორმალურ თამაშის წესებზე მქონდა ძალიან ღია და გახსნილი მოლაპარაკება, სანამ ამ თანამდებობას დავიკავებდი.  მქონდა სრული შეთანხმება იმაზე, რომ ჩვენ არ ვიმუშავებდით სხვადასხვა მიმართულებით სხვადასხვა წესებით. მაგრამ, ეს ყველაფერი არ გამართლდა და, სამწუხაროდ, რაღაც გამონაკლისები მოხდა", - განაცხადა გიორგი ქობულიამ.

ავტორი: ექსპრესნიუსი,

სოციალური ქსელები

თიბისის მხარდაჭერით საქართველოს სკოლებში AI-ის სწავლება იწყება

დავითაძე ამბობს, რომ ბადრაგები ციხეში უპრეცედენტო პროვოკაციებზე გადავიდნენ, პატიმრებზე ძალადობენ

დეკანოიძე- გავაკეთებთ ყველაფერს, რათა ქართველი ხალხის წინააღმდეგ მიმართული ქმედებებისთვის ივანიშვილმა და მისმა მაფიოზურმა დაჯგუფებამ აგოს პასუხი

რუსეთმა ჩერნიგოვის რეგიონში ხუთსართულიან საცხოვრებელ შენობას რაკეტა დაარტყა - ცხრა ადამიანი დაიღუპა და 38 დაშავდა