საქართველოს პრეზიდენტი სალომე ზურაბიშვილი ოფიციალური ვიზიტით ლატვიას ეწვევა.

პრეზიდენტის ადმინისტრაციის ინფრომაციით, ოფიციალური ვიზიტის ფარგლებში, პრეზიდენტის შეხვედრები ლატვიის უმაღლესი თანამდებობების პირებთან არის დაგეგმილია. კერძოდ,  ლატვიის პრეზიდენტთან რაიმონდს ვეიონისთან, ლატვიის რესპუბლიკის საეიმას სპიკერთან ინარა მურნიეცესთან, პრემიერ-მინისტრთან არტურს კრიშიანის კარინშისთან.

ლატვიის რესპუბლიკაში საქართველოს ელჩის, თეა მაისურაძის განცხადებით, საქართველოს პრეზიდენტის ვიზიტი ლატვიაში უაღრესად მნიშვნელოვანია, როგორც ორი ქვეყნის მეგობრული ურთიერთობების, ასევე თანამშრომლობის კიდევ უფრო განმტკიცების თვალსაზრისით.

„ლატვია საქართველოს ტერიტორიული მთლიანობისა და სუვერენიტეტის, ასევე, ევროკავშირსა და ნატოში საქართველოს გაწევრიანების მტკიცე მხარდამჭერი ქვეყანაა და ძალიან მნიშვნელოვან დახმარებას უწევს საქართველოს ევროპული და ევროატლანტიკური ინტეგრაციის გზაზე", - აღნიშნა თეა მაისურაძემ.

მისი განცხადებით, ოფიციალური შეხვედრების გარდა, საქართველოს პრეზიდენტი შეხვედრას გამართავს ლატვიის მეექვსე პრეზიდენტთან, ვაირა ვიკე-ფრაიბერგასთან, რომლის სახელთანაცაა დაკავშირებული ლატვიის გაწევრიანება ნატოსა და ევროკავშირში და აღსანიშნავია, რომ წელს ლატვია ნატოსა და ევროკავშირში გაწევრიანების 15 წლისთავს აღნიშნავს.

ტრადიციულად, საქართველოს პრეზიდენტის ვიზიტის შემადგენელი ნაწილი იქნება საქართველოს პრეზიდენტის შეხვედრა ქართველ სტუდენტებთან და ქართული დიასპორის წარმომადგენლებთან. 

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

თიბისის მხარდაჭერით საქართველოს სკოლებში AI-ის სწავლება იწყება

დავითაძე ამბობს, რომ ბადრაგები ციხეში უპრეცედენტო პროვოკაციებზე გადავიდნენ, პატიმრებზე ძალადობენ

დეკანოიძე- გავაკეთებთ ყველაფერს, რათა ქართველი ხალხის წინააღმდეგ მიმართული ქმედებებისთვის ივანიშვილმა და მისმა მაფიოზურმა დაჯგუფებამ აგოს პასუხი

რუსეთმა ჩერნიგოვის რეგიონში ხუთსართულიან საცხოვრებელ შენობას რაკეტა დაარტყა - ცხრა ადამიანი დაიღუპა და 38 დაშავდა