ვანო მერაბიშვილს ციხიდან გაყვანის საქმესთან დაკავშირებით დღეს გამოკითხავენ

2019-05-14 10:03:04, 1674 ნახვა

სამართალი

ყოფილ პრემიერ-მინისტრსა და შინაგან საქმეთა მინისტრს, ვანო მერაბიშვილს ციხის საკნიდან გაყვანის ეპიზოდთან დაკავშირებით „მატროსოვის“ ციხეში დღეს 13:00 საათზე გამოკითხავენ.

მერაბიშვილის ადვოკატის, გიორგი ჩივიაშვილის განმარტებით, აღნიშნულ ფაქტს საგამოძიებო უწყების მხრიდან სათანადო რეაგირება აქამდე არ მოყოლია.

„შევალთ 13:00 მასთან დასაკითხად, სიმართლე გითხრათ არ გვაქვს რაიმე ახლის მოლოდინი, იმიტომ, რომ ამ საკითხებთან დაკავშირებით ჩვენ გვაქვს მიცემული ჩვენება. ხელისუფლებას ნაკლებად გვგონია, რომ სურდეს ამ საქმის გამოძიება. მით უმეტეს, ამდენი ხანი გავიდა, სამჯერ შეწყვიტეს ეს საქმე და მერე სამჯერ განაახლეს. ისინი უბრალოდ იძულებულები გახდნენ იმიტომ, რომ მე-18 მუხლის დარღვევა დაადგინა დიდმა პალატამ სტრასბურგის სასამართლოში“, - აღნიშნა ადვოკატმა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან