"საქმე გვაქვს ადამიანების გარკვეულ ჯგუფთან, რომელსაც შეუძლია თავისი პოლიტიკური ინტერესებიდან გამომდინარე, სპეკულაციისთვის გამოიყენოს დავით გარეჯი, პანკისი, ცალკეული ადამიანების ტრაგედია და ამით ეცადოს, პოლიტიკური დივიდენდები მიიღოს“, - ამის შესახებ შინაგან საქმეთა მინისტრმა გიორგი გახარიამ პარლამენტის პლენარულ სხდომაზე დაკსვნითი სიტყვით გამოსვლისას განაცხადა.

მინისტრმა პოლიციელებს დღევანდელ სხდომაზე ოპოზიციის მხრიდან გაჟღერებული განცხადებების გამო ბოდიში მოუხადა და აღნიშნა, რომ საქართველოს მოქალაქის უსაფრთხოებაზე ზრუნვა უდიდესი ღირსებაა.

 „აშკარად დავინახე თვალნათლივ, რომ ჩვენ საქმე გვაქვს ადამიანების გარკვეულ ჯგუფთან, რომელსაც შეუძლია მარტივად, თავისი პოლიტიკური ინტერესებიდან გამომდინარე, სპეკულაციისთვის გამოიყენოს დავით გარეჯი, პანკისი, ცალკეული, ინდივიდუალური ადამიანების ტრაგედია და ეს გააკეთოს ძალიან მარტივად, მიზანმიმართულად, დაგეგმილად და ამით ეცადოს, მიიღოს პოლიტიკური დივიდენდი. ყველაფერ ამისთვის, თითოეულ პოლიციელს მინდა მოვუხადო ბოდიში, რაც აქ მოხდა. თქვენ უნდა იცოდეთ, რომ უდიდესი ღირსებაა, ემსახურო საქართველოს მოქალაქის უსაფრთხოებას, ჯანმრთელობას და მის ხვალინდელ დღეს. ის საქმე, რომელსაც თქვენ აკეთებთ ყოველდღიურად, 24 საათის განმავლობაში ებრძვით ხანძარს, იცავთ საზღვარს, დგახართ საოკუპაციო ხაზზე, ებრძვით კრიმინალს, ეს არის უდიდესი ღირსები მატარებელი საქმე და მოგიწოდებთ ყველას, ეს საქმე გავაგრძელოთ უფრო მხნედ, ორჯერ უფრო კონცენტრირებულად, უფრო ეფექტურად იმისთვის, რომ თითოეულ ჩვენ მოქალაქეს მივცეთ საშუალება, მათი ხვალინდელი დღე იყოს მშვიდობიანი, უსაფრთხო, რომ თითოეულმა ქართულმა ოჯახმა შეძლოს უზრუნოს თავის ოჯახზე, შვილზე და შექმნას კეთილდღეობა ხვალინდელი დღისთვის“, - განაცხადა გიორგი გახარიამ.

ავტორი: ექსპრესნიუსი,

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში