შსს-მ პრეზიდენტის მიერ დონალდ ტრამპის პოსტის გაზიარების საკითხის შესწავლა დაიწყო

2019-04-30 15:19:05, 1867 ნახვა

სამართალი

საქართველოს პრეზიდენტის სალომე ზურაბიშვილის Twitter-ის ოფიციალური გვერდის შესაძლო გატეხვასთან დაკავშირებით, მოკვლევა დაიწყო.

როგორც "ექსპრესნიუსს" შინაგან საქმეთა სამინისტროში განუცხადეს, უწყებაში აღნიშნული საქმის შესწავლა მიმდინარეობს.

მათივე ცნობით, დანაშაულის ნიშნების გამოკვეთის შემთხვევაში დაიწყება გამოძიება.

შეგახსენებთ, საქართველოს პრეზიდენტმა სალომე ზურაბიშვილმა Twitter-ის ოფიციალურ გვერდზე აშშ-ის პრეზიდენტის დონალდ ტრამპის ის პოსტი გააზიარა, სადაც თეთრი სახლის ხელმძღვანელი პრეზიდენტობის კანდიდატს ჯო ბაიდენს „მძინარას" უწოდებს. მოგვიანებით პრეზიდენტის პრესპიკერმა ხატია მოისწრაფიშვილმა ბრიფინგი გამართა, სადაც განაცხადა, რომ პრეზიდენტის სოციალურ ქსელებს შესაბამისი სამსახური [მენეჯერი] მართავს და სავარაუდოდ მოხდა შეცდომა. ამასთან, მოისწრაფიშვილმა კიბერთავდასხმაც არ გამორიცხა.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან