გარემოსა და ბუნებრივი რესურსების დაცვის მინისტრი გიგლა აგულაშვილი USAID-ის მისიის ხელმძღვანელს სტივენ ჰაიკენს შეხვდა. 

გარემოს დაცვის სამინისტროს ინფორმაციით, შეხვედრაზე მხარეებმა  სამინისტროში  მიმდინარე პროექტები  განიხილეს.

უწყების ცნობით, ამერიკის მთავრობა საქართველოს,  13 ივნისს მომხდარი სტიქიური კატასტროფის სალიკვიდაციო სამუშაოებში დაეხმარება.  ახლო მომავალში  თბილისში  ამერიკის შეერთებული შტატებიდან სპეციალისტთა ჯგუფი ჩამოვა, რომელიც გარემოს ეროვნული სააგენტოს გეოლოგებთან ერთად, სტიქიის გამომწვევ მიზეზებს შეისწავლის.

შეხვედრაზე ასევე განიხილეს წყლის რესურსების მართვის არსებული სისტემა, დაბალი ემისიის განვითარების სტრატეგია,  ნარჩენების მართვისა და ტყის რესურსების მდგრადი მართვის საკითხები.

„ბევრ საკითხთან ერთად ჩვენ ვისუბრეთ იმ დახმარებაზე, რომელიც შეუძლია USAIND - ს გაუწიოს საქართველოს, 13 ივნისს მომხდარ სტიქიასთან დაკავშირებით. კვირის ბოლოს აქ ჩამოვლენ სპეციალისტები, რათა დაგეხმარონ კატასტროფის სალიკვიდაციო სამუშაობეში“,-  განაცხადა სტივენ ჰაიკენმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გრიგოლ ლილუაშვილს, 13 წლით თავისუფლების აღკვეთა მიესაჯა

აშშ-ის სასამართლომ საქართველოს ნამახვანის ჰიდროელექტროსადგურის პროექტისთვის ENKA-სთვის 350 მილიონი დოლარის გადახდა დააკისრა

სამინისტროები, რომლებიც წელიწადნახევრის განმავლობაში დააცალკევეს კვლავ გაერთიანდნენ

მარია ზახაროვამ ახალგაზრდა ქართველებს რუსეთში ჩამოსვლისკენ მოუწოდა