"ეს არის კიდევ ერთი მცდელობა, რომ იუსტიციის უმაღლესი საბჭოს საქმიანობაში ჩარევა მოხდეს", - ასე აფასებს იუსტიციის უმაღლესი საბჭოს მდივანი „ევროპული საქართველოს“ მოთხოვნას, რომელიც იუსტიციის უმაღლესი საბჭოს 3 არამოსამართლე წევრის გაწვევას ითვალისწინებს.

ამასთან, გიორგი მიქაუტაძე საბჭოს წევრებზე ზეწოლის მცდელობაზე საუბრობს.

"ეს არის პოლიტიკური საკითხი. გაგრძელება იმ ხაზის, რომელსაც ჩვენ ძალიან დიდი ხანია ვუყურებთ. მოთხოვნა არის აბსოლუტურად არარეალური და უსაფუძვლო. მეტსაც ვიტყოდი, რომ ერთი კონკრეტული გადაწყვეტილების გამო საკითხის დაყენება ჯეროვანი და არაჯეროვანი შესრულებისა, არის კიდევ ერთი მცდელობა, რომ შეცდომაში შეიყვანონ საზოგადოება და ის ადამიანები, რომლებსაც შეიძლება ასე დეტალებში არ ესმოდეთ ეს ტერმინები. ეს არის კიდევ ერთი მცდელობა, რომ იუსტიციის უმაღლესი საბჭოს საქმიანობაში ჩარევა მოხდეს და ეს არის მცდელობა, რომ გადაწყვეტილებები მიიღებოდეს არა იუსტიციის საბჭოს მიერ დამოუკიდებლად, არამედ გარე მითითებების საფუძველზე", - განაცხადა გიორგი მიქაუტაძემ.

ცნობისთვის, "ევროპული საქართველო" იუსტიციის საბჭოს შემადგენლობიდან სამი არამოსამართლე წევრის გაწვევას ითხოვს. ესენი არიან: ლევან გზირიშვილი, ზაზა ხარებავა და შოთა ქადაგიძე.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში