საგარეო საქმეთა მინისტრმა დავით ზალკანიანმა  მთავრობის სხდომის დასრულების შემდეგ ჟურნალისტებთან საფრანგეთის ქალაქ მონპელიეში მყოფ საქართველოს მოქალაქეებზე ისაუბრა, რომლებიც დევნილის სტატუსის მოთხოვნით აქცია მართავენ.

როგორც ზალკალიანმა აღნიშნა, საქართველო უსაფრთხო ქვეყნად უკვე 13-მა სახელმწიფომ აღიარა, რაც იმას გულისხმობს, რომ მსგავსი გზით თავშესაფრის მიღების მსურველთა მოთხოვნები არ დაკმაყოფილდება.

„ჩვენთვის უმთავრესი მონაპოვარი  ევროკავშირის ტერიტორიაზე თავისუფალი გადაადგილება გახლავთ. თითოეული ჩვენთაგანის, ჩემი, როგორც მთავრობის  რიგითი წევრის უმთავრესი ამოცანაა, რომ ჩვენ ეს მონაპოვარი შევინარჩუნოთ, რადგან ამას უდიდესი პოლიტიკური მნიშვნელობა აქვს. ამიტომ, მე ყველაფერს გავაკეთებ, რომ  ევროკავშირში ინტეგრაციის ეს მნიშვნელოვანი მონაპოვარი შენარჩუნებული იყოს. ამ მიმართულებით, მოგეხსენებათ,  სერიოზული ნაბიჯები იდგმება.  ცამეტამდე გაიზარდა იმ ქვეყნების რიცხვი, ვინც საქართველო უსაფრთხო ქვეყანად გამოაცხადა. ეს გულისხმობს იმას, რომ იმ მოქალაქეების მოთხოვნები, რომლებიც  ამა თუ იმ ქვეყანას თავშესაფრის მიღების კუთხით მიმართავენ, დაკმაყოფილებული არ იქნება. ამიტომ, ყველას ვთხოვ, რომ განსაკუთრებული გულისყურით მოეკიდოს ამას“, - განაცხადა დავით ზალკანიანმა.

შეგახსენებთ, რომ უკვე სამი თვეა ქალაქ მონპელიეს ცენტრში საქართველოს მოქალაქეებს კარვები აქვთ გაშლილი. ისინი დევნილის სტატუსს ითხოვენ და ამტკიცებენ, რომ საქართველო უსაფრთხო ქვეყანა არ არის.

ავტორი: ექსპრესნიუსი,

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში