ავტობუსი, რომელსაც 20 მგზავრი გადაჰყავდა, უამინდობის გამო გუდაური-კობის მონაკვეთზე ჩარჩა. 

საგანგებო სიტუაციების სამსახურში „ექსპრესნიუსს“ განუცხადეს, რომ მგზავრები დახმარებაზე უარს აცხადებენ და გზის გახსნას ელოდებიან.

„იქ არის ნამქერი, რის გამოც გზა გადაკეტილია და რამდენიმე ავტომანქანა ტერიტორიაზე ჩარჩა. მაშველები ადგილზე არიან, გზის გასაწმენდად მძიმე ტექნიკაც მუშაობს. დაიწყო ჩარჩენილი მანქანების გამოყვანაც, რომ გზა გათავისუფლდეს და დანარჩენმა მანქანებმა გავლა შეძლონ. იქ ერთი ავტობუსია, სადაც 20 მგზავრი იმყოფება და გზის გახსნას ელოდებიან . შევთავაზეთ, რომ გადავიყვანდით ალტერნატიულ ადგილზე, მაგრამ მოქალაქეებმა დახმარებაზე უარი განაცხადეს და თქვეს , რომ გზის გახსნას დაელოდებიან“, - განუცხადეს „ექსპრესნიუსს“ საგანგებო სიტუაციების სამსახურის პრესსამსახურში.

საგანგებო სიტუაციების სამსახურის პრესსამსახურში გზის გახსნის ზუსტ დროს ვერ ასახელებენ, თუმცა ადასტურებენ, რომ გზა ამ წუთებშიც იწმინდება.

ავტორი: ექსპრესნიუსი,

სოციალური ქსელები

„ფორმულას" განცხადებით, დავალიანების გამო არხის ღია სიგნალით მაუწყებლობა შეწყდა

მედვედევმა ფაშინიანს და ზელენსკის „ორი უტვინო რუსოფობი“ უწოდა

ზელენსკიმ 5-6 მაისის ღამეს ცეცხლის შეწყვეტა გამოაცხადა

ჩერნობილის კატასტროფის სამაშველო სამუშაოების ხელმძღვანელმა და РХБЗ სამხედრო ძალების უფროსმა- გენერალმა თავი მოიკლა