ლიეტუვის საელჩო 9 აპრილზე: ლიეტუველებისათვის მსგავსი ერთიანობის განცდა ნაცნობია - ჩვენც მოგვიწია თავისუფლებისთვის მსხვერპლის გაღება

2019-04-09 13:11:29, 1314 ნახვა

საზოგადოება

ლიეტუვას საელჩო საქართველოში 1989 წლის 9 აპრილის ტრაგედიას განცხადებით ეხმაურება.

როგორც საელჩოს განცხადებაშია აღნიშნული, 9 აპრილი საბჭოთა კავშირის დასასრულის დასაწყია.

"30 წელი გავიდა 9 აპრილის ტრაგედიის შემდეგ, როცა საქართველო შეეჭიდა საბჭოთა რეპრესიებს და მტკიცედ დადგა თავისუფლებისათვის, რაც აღმოჩნდა კიდეც საბჭოთა კავშირის დასასრულის დასაწყისი - სამწუხაროდ ამ ყველაფერს 21 მამაცი ადამიანის სიცოცხლე შეეწირა. მათი მსხვერპლი უშედეგო არ ყოფილა - 2 წლის თავზე საქართველომ დამოუკიდებლობა გამოაცხადა. ლიეტუველებისათვის მსგავსი ტკივილნარევი ერთიანობის განცდა კარგად ნაცნობია, რადგან 1991 წლის 13 იანვარს, ლიეტუვაც მსგავს მდგომარეობაში აღმოჩნდა და მასაც მოუწია მსხვერპლის გაღება თავისუფლების სადარაჯოზე. ამ მოვლენებიდან ათეულობით წლის შემდეგ მნიშვენლოვანია ერთი რამ - მუდმივად გვახსოვდეს, თუ ვის უნდა ვუმადლოდეთ დღევანდელ თავისუფლებას", - ნათქვამია განცხადებაში.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან