საქართველოს ყოფილმა პრეზიდენტმა მიხეილ სააკაშვილმა პარტია "ქართული ოცნების" თავმჯდომარის ბიძინა ივანიშვილის ღია წერილს Facebook-ლაივით უპასუხა. 

სააკაშვილმა ბიძინა ივანიშვილს ეშმაკი უწოდა და აღნიშნა, რომ მისი მმართველოს დროს საქართველოს პროგრესი არ განუცდია. 

„ვერ მოეშვა ეს კაცი მიცვალებულებით სპეკულირებას. ხან ზვიად გამსახურდიათი სპეკულირებს, ხან მისი პირადი მტერით - ბადრი პატარკაციშვილით, ხან ზურაბ ჟვანიათი, ახლა მიადგა 9 აპრილს დაღუპულ ჩვენს გმირებს. ამ წერილში ნათქვამია ეშმაკზე, რომელიც თიშავს. ხოდა მე ხლა მინდა გკითხოთ თქვენ, საღად მოაზროვნე ქართველებს, აბა გამოიცანით, რა შეიძლება ერქვას იმ არსებას, ვინც 9 აპრილის ჯალათს, ლებედს მუდმივად აფინანსებდა მრავალი წლის განმავლობაში 9 აპრილის შემდეგ?! შეიძლება ეშმაკი ეწოდოს, ხომ?!  რა ქვია იმ ადამიანს, ვინც შეაჩერა საქართველოს ეკონომიკური ზრდა, - ჩემ დროს საქართველოს ეკონომიკა გაიზარდა 400%-ით, ივანიშვილის დროს 0%-ით, ერთიან ეროვნულ პროდუქტს ვგულისხმობ. შემთხვევით, ეშმაკის ხელი ხომ არ ურევია ამაში?!“
რა ჰქვია იმ ადამიანს, ვინც ყველა ბანკს დაეპატრონა, მთავარ მევახშედ იქცა ქვეყნის და ასობითათასი ქართველი გააკოტრა და მილიონამდე ქართველი გააქცია საქართველოდან. შემთხვევით ეშმაკი ხომ არაა? რა ჰქვია იმ ადამიანს, ვინც საქართველოს გმირებს, მაგალითად, ჩვენი ოფიცერი რობაქიძე, რომელმაც ჩამოაგდო რუსული თვითმფრინავი, მას ჩაუდო ბესელიას კადრები, ისევე, როგორც სხვა ოფიცრებს საქართველოს შეიარაღებული ძალების, რომა შამათავას ალპობს ციხეში, მაშინ, როცა აფხაზეთში ჩვენებს ხოცავენ, რა ჰქვია ასეთ ადამიანს თუ არა ეშმაკი. რა ჰქვია ადამიანს, ვინც მოიპარა არჩევნები და პოლიტიკურ ლიდერებს ან ქვეყნიდან აგდებს ან ალპობს ციხეში თუ არა ეშმაკი? რა ჰქვია იმ ადამიანს, ვინც უამრავ ფულს ხარჯავს Facebook-ზე და სხვაგან სიძულვილის, სიცრუის და ყველა საზიზღრობის ტირაჟირებაში, თუ არა ეშმაკი და შემთხვევით, ეს ეშმაკი 1.65 ხომ არ არის სიმაღლით, ლურჯ კოსტიუმებს ხომ არ იცვამს ხოლმე, ხეებს ხომ არ ეხუტება და კოცნის და ათასგვარ რიტუალებს ჩადის და შემთხვევით სოლოლაკის მთაზე ხომ არ ცხოვრობს. საქართველო ისევე მოიშორებს ამ ეშმაკს და ამ გაქნილ კრიმინალს, როგორც მოიშორა საბჭოთა კავშირი, კომუნისტური წყობა, საქართველო გათავისუფლდება და ეს მთაც გათავისუფლდება და საქართველო ისევ გააგრძელებს თავის ისტორიას, თავის განვითარებას“, - განაცხადა სააკაშვილმა.

ავტორი: ექსპრესნიუსი,

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა