"საქართველოში აღარ დაბრუნდება ძალადობრივი რეჟიმი", - ასე მიმართა პარტია "ქართული ოცნების" პოლიტიკურმა მდივანმა ირაკლი ღარიბაშვილმა ზუგდიდში მერობის კანდიდატის წარდგენის ღონისძიებაზე შეკრებილ მოსახლეობას. 

როგორც ღარიბაშვილმა აღნიშნა, მას პოლიტიკური განცხადებების გაკეთება არ სურდა, თუმცა ქვეყანაში არსებული მდგომარეობა უბიძგებს, რომ მსგავსი შინაარსის განცხადება გააკეთოს. მისივე თქმით, მმართველი გუნდი მაქსიმალურად არის მოწადინებული, რათა ზუგდიდში ყველა დაგეგმილი პროექტი უმოკლეს ხანში შეასრულოს. 

"მე არ მინდოდა ამ თემაზე საუბარი, მაგრამ ვითარება არის ისეთი, ისეთი მოცემულობა გვაქვს ჩვენ ქვეყანაში, რომ აუცილებელია ამაზე კონცენტრაცია და ანალიზი, ეს არის დესტრუქციული, არა კონსტრუქციული, რევანშისტული ოპოზიცია, რომელიც კარგს არაფერს არ მოუტანს ჩვენს ქვეყანას და ჩვენს ხალხს. ხშირად ჩვენ გვსაყვედურობენ, მათ შორის ჩვენი მომხრეებიც, რომ რით ვერ დავასრულეთ 9-წლიან რეჟიმზე საუბარი. ჩვენ ამის სურვილი არ გვაქვს მეგობრებო. ამას ჩვენ გვაიძულებენ ის რევანშისტული, დესტრუქციული ძალები, რომლებიც აცხადებენ ჯერ კიდევ პრეტენზიას არა თუ პოლიტიკაში დარჩენის, არამედ ხელისუფლებაში დაბრუნების, რასაც ჩვენ ვპირდებით თქვენთან ერთად არასოდეს არ დავუშვებთ. საქართველოში აღარ დაბრუნდება ძალადობრივი რეჟიმი, ის რეჟიმი, რომელმაც ჩვენი ეს ძვირფასი მხარე, ჩვენი სამეგრელო, ჩვენი სიამაყე, ძალიან გაანაწყენა, ძალიან გაამწარა და მე პირადად ვიცი უამრავი ისტორია და მე ეს ისტორიები არ მავიწყდება და არასოდეს არ დამავიწყდება, თუ როგორი ძალადობრივი რეჟიმით იქცეოდა წინა ხელისუფლება ჩვენი ხალხის წინააღმდეგ. ეს უნდა გვახსოვდეს , მაგრამ ჩვენ უნდა გავიხედოთ წინ, წინ საერთო მომავლისკენ, მაგრამ ჩვენ თუ არ მოვახდინეთ ამ რისკების მინიმუმამდე დაყვანა და განეიტრალება, რა თქმა უნდა არ იქნება მშვიდობა და ხალხი ვერ დაისვენებს რაც მთავარია. ამიტომ, მე მინდა კივდე ერთხელ აღვნიშნო ის, რომ ჩვენ, ჩვენი გუნდი, საერთო ძალისხმევით ვართ მოწოდებული, რომ მაქსიმალურად დავაჩქაროთ ყველა ის პროექტი რომელიც დაწყებულია სამეგრელოში, მაქსიმალურად სწრაფი ტემპებით განვავითაროთ ქვეყანა და ვიყოთ თქვენს სამსახურში. და აქვე მინდა აღვნიშნო, რომ ჩვენმა გუნდმა შეარჩია ძალიან ღირსეული კანდიდატი, ღირსეული ზუგდიდელი, რომელიც არის წესიერი და თავისი საქმის პროფესიონალი ადამიანი. ამიტომ, მინდა რომ ვუსურვო მას წარმატება. ჩვენი გიორგი, გეგა შენგელია", - განაცხადა ირაკლი ღარიბაშვილმა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა