2019-04-05 19:50:18, 2019 ნახვა
სამართალი
თავდაცვის სამინისტრო მფრინავ ეკა ქვლივიძის წინააღმდეგ სარჩელს სასამართლოდან გამოითხოვს
თავდაცვის სამინისტრო მფრინავ ეკატერინე ქვლივიძის წინააღმდეგ სარჩელს სასამართლოდან გამოითხოვს, - ამის შესახებ "ექსპრესნიუსს" უწყებაში განუცხადეს.
როგორც სამინისტროში განმარტავენ, სამხედრო მფრინავთან შეთანხმება შედგა და სასამართლო დევა აღარ გაგრძელდება.
მათივე ცნობით, ეკატერინე ქვლივიძე გორის სამხედრო აკადემიაში ლექციებს წაიკითხავს და ახალგაზრდა მფრინავებს საკუთარ გამოცდილებას გაუზიარებს.
"ეკატერინე ქვლივიძეს შესაძლებლობა ექნება, რამდენიმე მიმართულებით გააგრძელოს მუშაობა. მათ შორის, გორის სამხედრო აკადემიაში წაიკითხოს ლექციები. გარკვეული დროის შემდეგ, ის აქტიურად დაუბრუნდება საფრენოსნო საქმიანობას“, - განაცხადეს თავდაცვის სამინისტროში.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
