„ევროპული საქართველოს“ წევრი სერგო რატიანი მიიჩნევს, რომ სკოლებში გამოსაშვები გამოცდების გაუქმებასთან დაკავშირებით კანონპროექტის ჩავარდნა, მთავრობასა და პარლამენტს შორის შეუთანხმებლობის ბრალია.

მისივე თქმით, ეს მთავრობის გაუაზრებლობასა და უპასუხისმგებლობაზე მიანიშნებს.

„მოგეხსენებათ, რომ მთავრობამ დაანონსა და საზოგადოებას უთხრა, რომ წელს სკოლის გამოსაშვები გამოცდების გაუქმება, მაგრამ კანონი არ მიუღიათ. ჩვენ, ოპოზიციას გარკვეული შენიშვნები გვქონდა. პროცედურა გაწელეს, შემდეგ პროექტი დაჩქარებული წესით შემოიტანეს. დღეს, უმრავლესობამ ფაქტობრივად, ჩააგდო ეს კანონი. ვერ მიიღო ხმების საჭირო რაოდენობა იმის საფუძველზე, რომ პროექტი გაუაზრებელია და შეუთანხმებელია პარლამენტსა და მთავრობას შორის. ეს ნიშნავს მთავრობის გაუაზრებლობას უპასუხისმგებლობას, უუნარობას და საერთოდ უმრავლესობა მოშლილია“, - განაცხადა რატიანმა.

პარლამენტმა მთავრობის საკანონმდებლო ინიციატივა, რომელიც სკოლებში გამოსაშვები გამოცდების გაუქმებას ითვალისწინებდა, მესამე მოსმენით კენჭისყრის დროს ჩააგდო. საკითხი, რომელიც განათლების, მეცნიერებისა, კულტურისა და სპორტის სამინისტრომ დაჩქარებული წესით გამოიტანა, მხარი 54-მა დეპუტატმა დაუჭირა. კანონის მისაღებად კი, 63 დეპუტატის მხარდაჭერა იყო საჭირო.

ავტორი: ექსპრესნიუსი,

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში