|
2015-06-23 19:17:37, 989 ნახვა
ეკონომიკა
CNN: საქართველო სამოქალაქო ავიაციის საერთაშორისო ორგანიზაციის მიერ ე.წ. წითელი დროშითაა მონიშნული
საქართველო ერთ-ერთი ქვეყანაა, რომელიც სამოქალაქო ავიაციის საერთაშორისო ორგანიზაციის (იკაო) მიერ ე.წ. წითელი დროშით არის მონიშნული. ამის შესახებ ინფორმაციას CNN ავრცელებს. გამოცემა აღნიშნავს, რომ გასულ ხუთშაბათს სამოქალაქო ავიაციის საერთაშორისო ორგანიზაციამ ტაილანდი აღნიშნული წითელი დროშით მონიშნა, ქვეყნის ავიაციის სფეროს უსაფრთხოებასთან დაკავშირებით არსებული მნიშვნელოვანი შეშფოთების გამო. როგორც გამოცემა წერს, ტაილანდთან ერთად ICAO-ს მიერ ე.წ. წითელი დროშით კიდევ 12 ქვეყანაა მონიშნული, მათ შორის საქართველო. საქართველოსთან ერთად წითელი დროშით მონიშნულები არიან: ანგოლა, ჰაიტი, ყაზახეთი, ნეპალი, სიერა ლეონე და ა.შ. CNN აღნიშნავს, ICAO-მ ტაილანდს შესაბამისი გაფრთხილება მარტში მისცა, რის შედეგადაც რეგიონის რამდენიმე ქვეყანამ ტაილანდიდან ახალი ფრენები გააუქმა. სამოქალაქო ავიაციის საერთაშორისო ორგანიზაციის ქმედებასთან დაკავშირებით გაკეთებულ განცხადებაში კი ტაილანდის მხარემ აღნიშნა, რომ ქვეყნის ავიაცია უმაღლესი უსაფრთხოების სტანდარტების მიხედვით ოპერირებს. შეგახსენებთ, ცოტა ხნის წინ ასევე გავრცელდა ინფორმაცია, რომ საქართველო მოიხსენიება სამოქალაქო ავიაციის საერთაშორისო ორგანიზაციის (იკაო) შავ სიაში და დღის წესრიგში დგას ორგანიზაციიდან საქართველოს გარიცხვის საკითხი. საქართველოს სამოქალაქო ავიაციის სააგენტომ აღნიშნული ინფორმაცია უარყო. სააგენტოში აცხადებდნენ, რომ იკაო არ აწარმოებს ეგრეთ წოდებულ „შავ სიას“ და ორგანიზაციიდან გარიცხვის მექანიზმიც არ არსებობს.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



