„ტოტალური თავდაცვის კონცეფცია გულისხმობს, რომ საქართველოს თავდაცვა არ არის მხოლოდ თავდაცვის უწყების საქმე, არამედ ყველა უწყებისა და მთელი საზოგადოების პასუხისგმებლობა, ამიტომ, საზოგადოების ფართო ჩართულობა, უწყებათაშორისი თანამშრომლობის მაღალი კოორდინაცია და თანამონაწილეობის მაღალი ხარისხი არის ტოტალური თავდაცვის ერთ-ერთი მნიშვნელოვანი მახასიათებელი“, - ამის შესახებ საქართველოს თავდაცვის მინისტრმა, ლევან იზორიამ საქართველოს პარლამენტის პლენარულ სესიაზე „მინისტრის საათის“ ფორმატში სიტყვით გამოსვლისას განაცხადა.

„გასულ წელს მთავარი სტრატეგიული პარტნიორების თანამონაწილეობით პირველად ჩავატარეთ უწყებათაშორისი სწავლება, სწორედ ტოტალური თავდაცვის პრინციპის საფუძველზე, სადაც პირველად მონაწილეობდა ქვეყნის უმაღლესი პოლიტიკური ლიდერი - პრემიერ-მინისტრი. ეს არის კონკრეტული მაგალითი, თუ როგორ უნდა იყვნენ პოლიტიკური ლიდერები ჩართულნი სწავლებებში იმისთვის, რომ მათი მზადყოფნის ხარისხი კრიზისის თუ ომის შემთხვევაში იყოს სათანადო.

ჩვენი პოლიტიკა ნატოს მიერ გაჟღერებულ შეკავებისა და თავდაცვის პრინციპებთან აბსოლუტურ თანხვედრაშია, შესაბამისად, ტოტალური  თავდაცვის ჩვენეული კონცეფცია ეფუძნება, სწორედ, ამ ორ პრინციპს - თავდაცვისა და შეკავების პრინციპს. შეკავება ნიშნავს ორი კომპონენტის, როგორც პოლიტიკური, ისე სამხედრო კომპონენტის ერთობლიობას, ანუ ისეთი გარემოსა და მზადყოფნის ისეთი ხარისხის შექმნას, რომ პოტენციურ მოწინააღმდეგეს ჰქონდეს იმის განცდა, რომ შეტევის შემთხვევაში მას ეს ნაბიჯი ძვირად დაუჯდება როგორც პოლიტიკურად, ისე სამხედრო თვალსაზრისით. პოლიტიკური მხარდაჭერა კი, მათ შორის, საერთაშორისო მხარდაჭერაზეა დამოკიდებული, ამიტომ ტოტალური თავდაცვის კონცეფციის ერთ-ერთი ძირითადი საყრდენი, ამ ორ პრინციპთან ერთად, არის გააქტიურებული საერთაშორისო თანამშრომლობა. ყველაფერი რასაც ვაკეთებთ, იქნება ეს მრავალეროვნული სწავლებები, მეტი სტრატეგიული თანამშრომლობა ჩვენს პარტნიორებთან თუ ნატო-საქართველოს სწავლებები, არის, სწორედ, ამ ერთ-ერთი ძირითადი პოლიტიკური კომპონენტის განმტკიცება შეკავების პრინციპის ფარგლებში. იმ შემთხვევაში, თუ სამხედრო აგრესია განხორციელდება, გვაქვს კონკრეტულად გაწერილი თავდაცვის გეგმა თავისი სტადიებით, რომელიც უზრუნველყოფს მოწინააღმდეგის მაქსიმალურად შეჩერებას და სტაბილურობის უზრუნველყოფას ქვეყანაში“, - განაცხადა თავდაცვის მინისტრმა.

მისივე თქმით, ტოტალური თავდაცვის სხვა ძირითადი კომპონენტები, სამხედრო თავდაცვასთან ერთად, არის ეკონომიკური უსაფრთხოება, საინფორმაციო-ფსიქოლოგიური უსაფრთხოება და ეკონომიკური თავდაცვა.  

(NS)

ავტორი: ექსპრესნიუსი,

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში