„ეს ქურდული ტრადიციები გადმოსულია ქართული, კავკასიური ტრადიციებიდან და რატომღაც ქურდული დაარქვეს, ჩვენ კიდევ ამის გამო ციხეში ვუშვებთ ხალხს“, - ამის შესახებ ფრაქცია „საქართველოს პატრიოტების“ წევრმა ემზარ კვიციანმა პარლამენტის პლენარულ სხდომაზე, სიტყვით გამოსვლისას განაცხადა.

მან სსკ-ის 223-ე პრიმა მუხლი გააკრიტიკა, რომელიც „ქურდული სამყაროს“ წევრობისა და „კანონიერი ქურდობისთვის“ პატიმრობა ითვალისწინებს.

როგორც კვიციანმა განმარტა, ხსენებული მუხლი ახალგაზრდა ქართველების გენოციდს ემსახურება.

„მინდა შევეხო თემას, რასაც ქვია „ქურდული ტრადიციები” და 223-ე პრიმა მუხლი, რომელიც ახალგაზრდა ქართველების გენოციდისთვის არის გამოგონებული. 5 ახალგაზრდა დაიჭირეს იმის გამო, რომ 20-30 ლარი ვიღაც „კანონიერი ქურდის“ დედას შეუგროვეს იმისთვის, რომ ჩავიდეს თავის შვილთან. ან რა არის ეს ქურდული ტრადიციები ვინმე დაფიქრებულა ამაზე ?! ეს ქურდული ტრადიციები გადმოსულია ქართული ტრადიციებიდან, კავკასიური ტრადიციებიდან და რატომღაც ქურდული დაარქვეს. ჩვენ კიდევ ამ კავკასიური და ქართული ტრადიციების გულისთვის ციხეში გავუშვათ ყველა და ჩავჯდეთ მაშინ ყველა ციხეში. რაღაც მოსაფიქრებელია ამასთან დაკავშირებით. ეს არის სპეციალურად გაკეთებული. გასაგებია, რუსეთს აწყობდა რომ მთელი ქურდული სამყარო წასულიყო დასავლეთში, რომ გაეკონტროლებინა იქ მთელი ქუჩები, მაგრამ ჩვენ ქართველები რა შუაში ვართ ?!“, - განაცხადა ემზარ კვიციანმა.

ავტორი: ექსპრესნიუსი,

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა