კოალიცია "დამოუკიდებელი და გამჭვირვალე მართმსჯულებისთვის" წარმომადგენელი გიორგი მძვენიერაძე „ზოგადი განათლების შესახებ“ კანონიდან სიტყვა „ლიბერალურის“ ამოღებას ეხმაურება.

მშვენიერაძის შეფასებით, ეს ცვლილება არის გააზრებული უარი, მომავალი თაობების ლიბერალური ღირებულებების რწმენით აღზრდაზე. 

"საქართველოს პარლამენტი "ზოგადი განათლების შესახებ" კანონიდან სიტყვა "ლიბერალურის" ამოღებაზე მსჯელობს. საკითხში ცოტა სიცხადე რომ შევიტანოთ, აუცილებელია იმის გააზრება, თუ რატომ წერია ეს სიტყვა კანონში. კანონის თანახმად, ზოგადი განათლების სახელმწიფო პოლიტიკის ერთ-ერთ ძირითად მიზანს, მოსწავლისთვის ლიბერალურ-დემოკრატიულ ღირებულებებზე დამყარებული სამოქალაქო ცნობიერების ჩამოყალიბება წარმოადგენს. სწორად ამ მიზნიდან ხდება სიტყვის "ლიბერალურის" ამოღება.

ლიბერალური დემოკრატიის ცნება ქართველი კანონმდებლის მოგონილი რომ არ არის, მგონი ყველასთვის ცხადია. მისი შინაარსი რამდენიმე პრინციპს ეფუძნება, მათ შორის:
1. ინდივიდის თავისუფლების, ღირსებისა და ავტონომიის აღიარებას და მის დაცვას სახელმწიფოს, ეკლესიის თუ საზოგადოების ძალადობისგან; 2. პერიოდულ, თავისუფალ და სამართლიან არჩევნებს, რომელიც ფორმალური თანასწორობის პირობებში ტარდება; 3. ქვეყანაში ერთზე მეტი ძლიერი პოლიტიკური პარტიის არსებობას, ძლიერ სამოქალაქო საზოგადოებას, პლურალიზმს და სხვადასხვა იდეებისთვის თავისუფალ სივრცეს, სახელმწიფოს ერთმმართველობის შეზღუდვას და ხელისუფლების დანაწილების პრინციპს და ა.შ.

შესაბამისად კანონიდან ამ სიტყვის ამოღება, არ არის უბრალო ტექნიკური ცვლილება, რომელიც ვიღაცის გაუაზრებელი ახირების გამო ხორციელდება. ეს არის გააზრებული უარი, მომავალი თაობების ზემოხსენებული ღირებულებების რწმენით აღზრდაზე, ღირებულებების, რომელსაც ხშირად დასავლურ ღირებულებებსაც ვეძახით და რომელიც ჩვენიცაა. ესაა გააზრებული ნაბიჯი, რომ ჩვენი შვილები დავაშოროთ თავისუფლებას, რაგან თავად თავისუფლების იდეაა ლიბერალური დემოკრატიის ფუნდამენტი. თუ ვაჟა-ფშაველას დავესესხებით, "თავისუფლება პიროვნებისა და ერისა ერთიერთმანეთთან მჭიდროდ არის დაკავშირებული. სადაც არაა პიროვნება თავისუფალი, იქ ერი დამონებულია და დამონებულ ერში, რა თქმა უნდა, პიროვნებაც მონაა, უთავისუფლო, სხვის ხელში სათამაშო ნივთი." სწორედ სხვის ხელში სათამაშო ნივთების აღზრდისთვის ხდება ამ ცვლილების განხორციელება", - წერს მშვენიერაძე. 

ცნობისთვის, განათლების, მეცნიერებისა და კულტურის კომიტეტმა „ზოგადი განათლების შესახებ“ კანონიდან სიტყვა „ლიბერალურის“ ამოღებას პირველი მოსმენით მხარი დაუჭირა. ინიციატივას მხარი 6-მა დეპუტატმა დაუჭირა, ხოლო 2 წინააღმდეგი იყო.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში

საგარეჯოში თანასოფლელმა ქორწილში მიმავალი ორი ძმა მოკლა, მესამემ თავს გაქცევით უშველა