გაეროს ბავშვთა ფონდის მხარდაჭერით აჭარაში დაიწყო ბავშვის განვითარებაზე ორიენტირებული პირველადი ჯანდაცვის გაძლიერების პროგრამა. პროექტის შესახებ ინფორმაციას აჭარის მთავრობის თავმჯდომარე თორნიკე რიჟვაძე გაეცნო და UNICEF-ის წარმომადგენელთან საქართველოში, ღასან ხალილთან შეხვედრა გამართა.

შეხვედრაზე ისაუბრეს რეგიონში არსებულ გამოწვევებზე ბავშვთა უფლებების დაცვის მიმართულებით. თორნიკე რიჟვაძემ UNICEF ის წარმომადგენლებს გააცნო ე.წ ,,მუყაოს ქალაქში'' მცხოვრები ბავშვების მდგომარეობა.  შეხვედრაზე განიხილეს მათი სოციალური ინკლუზიისა და უთანასწორობის მაქსიმალური დაძლევის შესაძლებლობები.

გაეროს ბავშვთა ფონდმა ევროკავშირის ფინანსური მხარდაჭერით უკვე შეიძინა 107 ცალი პლანშეტი, რომლებიც საპილოტე პროგრამის ფარგლებში გადაეცა აჭარის ავტონომიური რესპუბლიკის შრომის, ჯანდაცვისა და სოციალური დაცვის სამინისტროს. საპილოტე რაიონების სოფლების ექიმებმა და ექთნებმა გაიარეს გადამზადება ბავშვთა განვითარების საკითხებზე. ამ ეტაპზე სულ გადამზადდა 120 პროფესიონალი. პროგრამის მიზანია უზრუნველყოს 0-დან 6 წლამდე ბავშვის ზრდა განვითარების ზედამხედველობა.

გაეროს ბავშვთა ფონდი 20 წელზე მეტია ეხმარება საქართველოს მთავრობას ბავშვთა უფლებების დაცვასა და ბავშვის უფლებათა კონვენციით ნაკისრი ვალდებულებების შესრულებაში, რათა დაიცვან ბავშვები სიღარიბისაგან, ჩაგვრისა და ძალადობისაგან და ოჯახური მზრუნველობის გარეშე დარჩენისგან.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ტრამპმა ხელი მოაწერა კანონს რუსეთის წინააღმდეგ „ჯოჯოხეთური სანქციების“ შესახებ

საფრანგეთსა და შეერთებულ შტატებში დიზელის დეფიციტის გამო საწვავის კრიზისი დაიწყო

მაკრონმა საფრანგეთის ინფრასტრუქტურის დრონებით თავდასხმებისთვის მზადყოფნის ბრძანება გასცა

რუსეთის ერთ-ერთი ყველაზე ტიტულოვანი რეჟისორი ზვიაგინცევი „უცხოელი აგენტად“ გამოაცხადა